黄嘉雯被指介入连诗雅陈家乐恋情　无奈回应得啖笑：冇嘢要补充

陈家乐与连诗雅（Shiga）在去年被爆因为合作拍摄TVB旅游节目《12个夏天》而挞着，两人多次被撞见拍拖行街，更公然在社交平台打情骂俏，频频放闪。不过对于恋情的发展，Shiga同家乐都刻意避谈，似乎是想努力保护爱苗。但早前有报道指家乐与前港姐冠军黄嘉雯（Carmaney）因拍摄剧集《把关者们》而戏假情真，眼见绯闻愈传愈烈，Carmaney就在IG Post相，疑似作出回应：“除左（咗）笑下，无（冇）野（嘢）要补充。#无（冇）咩事我返出去做野（嘢）先。”

而家乐日前接受《香港01》访问时亦有澄清：“呢个绝对系一个好天大嘅笑话！其实我都唔知点样去解释，如果一个明眼人、正常识得睇文字或者图片自己去消化嘅人都应该知道呢啲系假新闻，报料嘅读者真系虚构、生安白造，所以我真系唔系好想去因为呢啲咁无聊、虚构出嚟嘅事去回应。”他又表示自己与Carmaney除了工作关系之外一点也不熟，而且只是因工作而见过三次面左右。其实Carmaney曾多次在IG分享拍摄花絮，并透露拍摄过程好开心，但想不到首次拍剧就传出绯闻，不少网民都戥她感到不值，希望大家多多关注Carmaney的演出！