阮兆祥爆TVB筹备选秀节目　节目年轻气息重：以前系无线未出现过

阮兆祥（祥仔）近来受到曾志伟邀请回到TVB担任综艺节目主持，现时正在录制真人show节目《好声好气》，接受《香港01》访问时候他说：“自己都一阵子冇返嚟TVB做节目，今次重投TVB怀抱，我见到好多幕后幕前，所有兄弟姊妹都想做好个节目，好多赶紧后期，我见到大家都忙得好开心，喺公司梳化瞓觉，又喺洗手间冲凉，完全冇怨言，我见到大家有个种热血，我觉得TVB太耐都冇呢种热血，希望呢种热血化成力量，再用全新节目感动观众回归TVB怀抱，可以再省靓返个招牌。”

祥仔说到希望“省靓返个招牌”帮助TVB，但近年来TVB节目的质素被指下降，他直言：“我谂我意思系想提供更多节目畀观众选择，综艺节目内容有好多，你见我哋4月嘅攻势，包括唔少主题嘅综艺，见到我哋TVB好多音乐节目，好耐冇加强音乐质素，年轻气息都相当重。迟啲都会有好多唔同选秀节目，听讲有好多节目开紧会筹备当中，以前系TVB未出现过，作为观众我好都好期待。”

提到近月来，TVB与ViuTV的电视大战正式开始，TVB出招有《开心大综艺》去抗衡ViuTV的音乐颁奖礼，不过有不少网友都力撑ViuTV的音乐颁奖礼比较好看，祥仔说：“当然网上评论我哋非常之接受，但网友嘅评论系咪代表所有回响呢？咁亦都未必，有时候见到街边好多朋友可能撞到我哋，会反映好多意见，就我自己经验所得呢，朋友睇完我哋《开心大综艺》或者有啲节目都有好多好好嘅回响，佢哋睇完都话好开心，可以有一家大细一齐坐嚟睇。当然我哋每一集做完都会有检讨，希望大家继续畀意见，我哋继续做好佢，因为一个好节目唔易做，希望收集多啲意见，成为一个尽善尽美嘅节目。”

网上不时都会有网友讨论到观看TVB的观众都是上了年纪，观看ViuTV则是较年轻，像分了两批观众层面，祥仔笑言：“咁咪好啰，冇乜所谓，各取所需，咁我哋都有观众调查，其实都反映到有一班观众系钟意睇我哋，同样系佢哋收视报告里面年轻观众多啲年长未必有咁多，咁我哋都系服务大众。当然希望可以由年轻同年长都钟意睇，但每个人都有佢选择，我都尊重，我哋都要承认嘅，因为收视报告成年人系钟意睇我哋节目多少少，咁希望做一啲内容吸纳年轻观众。其实我哋冇舍弃呢一班年轻观众，其实你见到我哋收到网友们回响，我哋都积极回应，咁希望越做越好。”

点击睇祥仔讲更多内容！

同场加映

Chill Club颁奖礼评论 | 不只乐坛未死　是香港未死

点击图辑，重温得奖名单：