欧阳震华公开27岁绝密相竟有六嚿腹肌：𠮶时天生㗎我本身骨架精奇

欧阳震华（Bobby）自1982年22岁那年加入无线电视（TVB）自今，参演过不下50套剧集，说起他的大名，大家好自然就会想起《金装四大才子》、《陀枪师姐》或者《壹号皇庭》中那个幸福满满的身形以及灿烂又有感染力的笑容。不过，大家又有没有幻想过欧阳震华加上六旧腹肌，人鱼线，42吋胸肌呢？不用幻想了，因为欧阳震华真的试过做爆肌model！

早前在网上流传着欧阳震华一张旧时的造型照，黑色衫、粗颈链、“乌蝇”眼镜再加上一个80年代飞机油头，十分有型。今日（17/04）欧阳震华出席《伙记办大事》宣传活动，接受《香港01》访问时就解释，这张照片是1983年拍摄TVB剧时拍下的：“呢张相出嚟训练班冇耐，同发哥、梁朝伟一齐拍𠮶套《北斗双雄》𠮶时整嘅，应该系39年前，冇乜点变啫系个发型（唔同）。”但原来他还收藏了两张从未公开过的经典照。

欧阳震华：“我仲收埋好多，包你睇完拍案叫绝！”之后他就即场拿出手机，翻出了两张往日的旧照：“大家睇吓，呢张相就系我当年英姿，廿七八，未够卅岁。”在场人士都对欧阳震华的爆肌照感到惊讶，记者问：“key-up嚟？”欧阳震华即时回答：“你key畀我睇下，点key吖？仲有张，你睇吓，呢啲叫人鱼线。”被问到操了多久才有这个身形，他就一脸正经地说：“𠮶时天生㗎！其实我除咗衫之后，争个肚，啲手手脚脚都系一样。”是不是因为拍剧操肌？他否认：“唔系吖，𠮶时系兴趣嚟㗎，我耐不耐都有去操吓，我本身又骨架精奇呢，哈哈哈。𠮶时后生食乜都唔会肥，而家就唔同，饮水抖气都肥啦。”

点选下图睇清啲，欧阳震华真系有人鱼线！