ChillClub推介榜｜陈健安为C AllStar重组断食：单飞三年积咗啲嘢
撰文： 刘传谦
出版：更新：
ViuTV乐坛颁奖礼《Chill Club推介榜年度推介20/21》将在星期日（18/4）举行，陈健安（On仔）今日（15/4）现身录影厂，与Serrini和林奕匡为表演项目彩排。On仔在表演者选唱《恶梦经》和《梦中人》，背后与前者创作理念相关：“𠮶阵我想做一首dream pop，当中就系参考咗《梦中人》，当我知道Serrini会一齐唱，咁我就畀佢负责《梦中人》，我就将一啲《恶梦经》嘅嘢放埋入去。”他又笑指，自己在彩排期间幻想到一个十分奇怪的爱情故事，不过画面就留待观众自行欣赏。
+1
最近On仔开展为期17日的断食计划，经过14日努力，目前已经进入“复食”阶段，他指今日彩排状态不错：“今朝可以食返饭，同埋加咗啲鱼仔。呢段时间可以话系‘比斋更斋’，所有调味料都唔掂得，所以有得食饭已经好开心。”他指这次断食除了重拾最佳状态，亦与C AllStar重组有关：“平时食得太多，好多污糟嘢积咗喺度，呢个排毒嘅过程就系倒空晒之后，再装一啲新嘅嘢入去。之前为红馆骚做过一次，今次决定再做，因为单飞𠮶三年都积咗啲嘢，系时候清一清，先可以进入到C AllStar嘅状态。”
+4
日前C AllStar派上新歌《留下来的人》，On仔认为当中谈及的离开可以有不同解读，相信能引起不同听众共鸣：“有好多歌迷都私讯话，自己经历屋企人离世，亦有朋友选择移民，我觉得呢首歌可以畀佢哋发泄情绪，甚至我都会建议大家一齐喊。（唱到喊？）眼湿湿一定会有，尤其是唱到副歌，歌词好中，脑海有好多画面，自己都摆咗啲情绪喺入面。”