“千禧五虎”朱敏瀚不想与MIRROR比较　大赞Edan︰弹琴𠮶段好吸引

无线于周四（15日）举行myTV SUPER 5周年记者会，艺人朱敏瀚（Brian）出席活动。有传无线会力捧“千禧五虎”，分别是余德丞、丁子朗、罗天宇、周嘉洛和朱敏瀚，Brian接受《香港01》访问时，感谢传媒“畀面”，“其实正式嚟讲公司冇同我哋讲过话呢件事，但系都知道机会会接踵而来，嚟紧都知道自己会开啲咩工，我相信系传媒自己发酵出嚟，咁我都好多谢传媒将我列入去。”

不过入行逾10年的Brian就没有因此而感到大压力，他说︰“我都入行10几年啦，都系抱住个信念就系一系唔接，接咗就尽力做好佢。”而Brian也表示“千禧五虎”只是一个称号，“无论如何系乜嘢名都好，到最终都系要做好自己，我觉得冇得同以前嘅人比较，以前佢哋太出色，咁我哋就各自各做好自己。”

讲到近期大受欢迎的MIRROR，有人就将“千禧五虎”与MIRROR比较，Brian觉得大家都是各自在自己的范畴做好，“我哋就做好个电视圈佢，大家都系想唔同嘅观众多啲留意吓我哋呢个圈做紧嘅嘢，我觉得大家都喺各自嘅范畴努力紧，咁就冇话一定要比较。（佢哋粉丝攻势好劲，你有冇压力？）咁又冇嘅，暂时始终大家范畴唔同，尤其是我拍剧为主，我觉得最紧要就系做好自己，做好自己，当你有表现畀人哋睇到嘅时候，人哋自然会认同你。”讲开MIRROR，Brian承认有留意组合，“譬如佢哋近期出嘅歌都有听，咁我觉得其实好好，因为可能过去咁多年，大家都开始追捧其他地方（嘅星），譬如韩星。我觉得都好开心，能够出到一队男团系代表到香港，我觉得系好事。（有冇话特别留意边个？）咁当然系姜涛啦！同埋最近Edan（吕爵安）首歌好听，同埋佢弹琴𠮶段我都觉得好吸引。”

同场加映︰余思霆比坚尼上阵玩滑水　大晒纤腰长腿画面养眼