传“余党”麦美恩被力捧　认与公司高层多沟通︰好enjoy表达自己

无线于周四（15日）举行myTV SUPER 5周年记者会，艺人麦美恩（Mayanne）出席活动。早前有报道指，一直被称属于“余党”（余咏珊）的Mayanne未有受曾志伟回巢TVB掌管综艺节目及音乐制作影响，而且工作不断。除了有份主持重头节目《开心大综艺》外，又剧接剧，更有传她将参演新一辑《巾帼枭雄》，与视后邓萃雯同场演戏。被问到近来是否反而有更多演出机会，Mayanne回复《香港01》记者时，透露自己已入行10年，“呢10年其实我觉得我自己真系好彩嘅，同埋自己比较outspoken，我钟意表达自己意见，同埋钟意同人沟通，变相好多时候我同无论系公司嘅高层，甚至一啲幕后人员啊，我都好enjoy去表达自己啦，讲吓我啲方向，我想做嘅嘢，咁变咗喺个咁舒服嘅沟通嘅情况底下，其实佢哋都好了解我。”

Mayanne续说︰“变咗我嘅机会系一路都有嘅，大家都好清晰嘅，不如畀Mayanne做咗主持先啦，所以头𠮶6、7年大家见到我好努力咁喺司仪啊，主持技巧方面不停咁锻炼，至到近呢几年拍剧多咗，一步一步嚟，冇乜特别话要受宠，要特别推我去一个咩位，最紧要系一步一步嚟，同埋佢哋睇到我进步，由小节目、小角色开始做起，见到个戏份，甚至角色愈嚟愈重嘅时候，咁就feel到自己可以慢慢pick up。（系咪会做女一？）女一啊？我剧入面有做女一啊，喺《智能爱人》里面，其实我有做女一嘅，冇乜所谓嘅，做男一都得㗎。”原因是Mayanne在《智能爱人》里面演一位电视台艺人。而Mayanne接受其他传媒访问时，认稍后将拍摄新一辑《巾帼枭雄》，跟邓萃雯、黎耀祥合作。

早前在TVB记者招待会中闹出“恶搞姜涛”事件引起一连串回响，除了扮“姜蓉”的邓智坚被粉丝攻击外，当时Mayanne也在场，她在“姜蓉”登场之后突然从后方的人群中冲出来，大大力打落对方身上，并大声叫对方“收声啦！”她也因而受到网民留言指责。

被问到有关事件，她表示︰“无论系好与唔好嘅批评，我觉得做艺员系要听嘅，意见系要接受，要听，如果系对个节目同对我演出系有帮助嘅话，我一定会听，同埋做好自己啦，用行动去将节目同制作去娱乐到观众，呢一刻对我嚟讲系最重要。（有冇唔开心？）我日日都好开心，因为每一日太多嘢发生啦，我哋要keep住我哋个情绪要稳定，咁我哋先可以专注到做好每一个作品。同埋目前有好多嘢发生，我觉得呢一刻最紧要系把握到我现时手头上嘅工作。（𠮶排自己有冇反思过？）我谂唔好谂以前啦，呢一刻最紧要系做好而家手头上嘅嘢。”

同场加映︰麦美恩惨死一幕演技获赞　入行9年成功上位做综艺女王

点击下图睇Mayanne上位史：