曾励珍乐易玲乐见TVB节目受欢迎：爹哋妈咪、爷爷嫲嫲都要睇电视

TVB今日（14日）在将军澳电视城一厂举行《2021艺员及电视制作人员训练班》面试，吸引接近600名有意参与幕后制作的面试者前来即场面试，新上任的副总经理曾志伟以及两位助理总经理曾励珍和乐易玲亦有到场，更轮流在台上向在场面试者发表演讲，答谢所有有意成为TVB一分子的准员工。

今日前来面试的大多是有意投身幕后工作的人，职位包括助理编导（PA）、摄影助理、后期制作及视觉效果等等。见到现场如此墟冚，珍姐和乐小姐心情大好，表示：“成个娱乐圈不管电视圈定还是电影圈都应该要有新力军，尤其而家啲年轻人，佢哋可能可以畀到我哋好多启发同新嘅概念，我都好希望呢班新力军入到嚟可以合作愉快。”

珍姐亦很认同TVB很需要年轻人的加入：“年轻人嘅脑袋一定系新鲜啲，同埋佢哋见到嘅嘢都会比我哋行得前啲喇！因为我哋都一把年纪喇，哈哈！当然有新嘅人入嚟不论咩年纪都会有新嘅刺激，咁我哋嘅嘢就会更多元化、更丰富、更好睇。”乐小姐则表示在娱乐圈工作的团队Teamwork很重要，而且每一个岗位都代表住一粒螺丝，必须要扭得紧，大家在会团结做好每一件事。

TVB大股东黎瑞刚早前在访问中坦言对TVB“非常不满意”，亦狠斥节目缺乏创新能力，而且指出管理团队有老化问题，离年轻观众愈来愈远，珍姐表示：“老细批评系啱嘅，佢畀一个啱嘅批评我哋，我哋就要往一个更好嘅方向，咁先至会进步做得更加好。”

乐小姐认为不管是老板还是外界的声音或批评，只要是善意的她们都会很乐意去接受改进，亦希望透过新节目让大家慢慢看到TVB努力求变的态度。她又表示除了新一代，老一代其实都不容忽略：“我见到呢排我哋嘅节目出咗嚟， 外界嘅反应其实都唔错，有一啲我翻睇重播我都忍唔住再笑！有时我哋啲细路哥出晒街，屋企嘅爹哋妈咪、爷爷嫲嫲都要睇电视㗎，大家开开心心咁笑一餐！”

近期TVB与ViuTV之间发生的“电视大战”受到广泛注目，乐小姐认为TVB的胜算还是比较高：“如果以Rating（收视率）嚟讲，我哋嘅rating都真系占咗市场嘅比率好高，不过有竞争先至好玩㗎嘛，例如波你一个人踢又有乜用呢？打羽毛球、网球都要有对手一齐打，所以任何竞争我哋都好欢迎，唔系话边个TV，对内我哋都要竞争。”

被问到有没有留意ViuTV的节目或剧集，珍姐则大赞TVB的制作：“《伙记办大事》、《大综艺》（《开心大综艺》）、《爱回家》、《爱美丽》（《爱美丽狂想曲》）吖！好好睇㖞，好开心㖞睇都哈哈笑，成晚坐喺度都唔想离开个电视，好开心！”（是不是不会转台？）乐小姐立马否认：“转呀点解唔转台呀？81、82、83、84、85台系咁转来转去呀！”