姜涛取代周柏豪　与蔡卓妍拍预防HPV广告：阿Sa对我来讲系前辈

姜涛人气爆灯手上广告不绝，最新一个取代周柏豪拍摄HPV疫苗广告。蔡卓妍与姜涛之前未有太多机会于工作上碰面。今次广告结缘，令姜B好紧张。可惜，广告商安排广告拍摄当日，两人分开不同地点进行拍摄。不过姜B好有心，完成自己𠮶part之后亲自去阿Sa嘅拍摄场地探下班。不过天生怕羞嘅姜B去到现场又紧张到个脑一片空白，麻烦阿SA帮手打圆场，场面搞笑。

点撃睇姜涛2021年接拍的广告：

阿Sa表示好开心今次可以同近期大热嘅生力军合作：“好开心多个人帮手推广HPV。预防HPV呢件咁大嘅事系要全人类都要去take action只得，所以系应该要与唔同嘅新面孔一齐去合作宣传呢件咁有意义嘅事！”阿Sa笑言除咗做歌手、拍戏做咗差唔多20年，宣传预防HPV呢份工作就好似佢另一份工咁，并感谢广告商对她的支持。“我自己都会同身边嘅朋友至亲讲，我嘅朋友都比我说服左去打针㗎！”

问到姜B为何COOL爆探班，他解释自己是一时紧张：“阿Sa对我来讲系前辈、又系影后级人马，点知去到佢咁Nice咁主动打招呼，搞到我有啲唔好意思。”姜B坦言，今次对于未能同阿Sa同场拍摄，向前辈偷下师而感到可惜，并期望未来两年可以同阿Sa拍住上，令全香港人都知道预防HPV嘅重要性。最近姜B的家人、朋友均受疾病困扰，他表示深切体会到健康的重要性。“我自己都会take action去预防，因为呢个系对自己同对将来嘅另一半应尽的责任。”