王祖蓝亲自教带货 黄建东：原来件产品唔好都可以讲埋出嚟
撰文： 邝钰莹
出版：更新：
自从Big Big Shop面世之后，无线多次举办超级感谢祭，揾嚟多次小花、花旦边食边带货。不过，随著综艺节目改革，连感谢祭都变成《周末帮你悭啲啦》，除有黄建东、黄颂明主持之外，仲揾嚟喺内地有过多次带货直播经验嘅王祖蓝教路。
黄建东接受《香港01》访问时透露正式录影前，除开会、熟读所有资料外，又亲自试用产品。“不过其实好多谢祖蓝凑住我哋，佢有教我哋点掌握节奏，例如系可能要比大家知道街价，然后话比大家知我哋特价系几多，最后系秒杀价，要咁build up上去先会增加观众购买欲。同埋佢有特地提我唔好太夸张，一个好嘅带货员系要真诚，要比观众觉得我哋真系讲紧件产品嘅事实，同埋件产品有咩唔好，原来都可以讲埋出嚟，要持平去令观众相信你。同埋佢都有教我哋唔好用假tone，要真心、好似同朋友讲嘢咁先有用。”
黄建东表示之前一直都有朋友找他做带货直播，但由于缺乏经验，所以一直未有尝试，但经过《周末帮你悭啲啦》，黄建东认为自己可以在这方面多作发展。“我相信之后会愈来愈熟悉呢个模式，但都要学识点精简地将件货喺两分半钟内令观众明白件货品嘅好处、同埋令佢想买。”
+48