律政强人｜曾获廖启智提携教演戏　李佳芯：佢一句说话令我醒咗

李佳芯（Ali）主演的医疗剧《白色强人》当年收视亮眼反应热烈，却被飞起无缘拍摄续集《白色强人2》，令不少观众大感可惜。日前唐诗咏在Instagram疑似以“我们仨”的字眼发文，令不少网民猜想是不是暗示Ali即将以三姊妹姿态回归，诗咏更亲自回复：“会回来的，相信，我一直也抱住希望”。Ali今日（12日）现身将军澳电视城出席剧集《爱美丽狂想曲》宣传活动时，却亲口粉碎了回归传言：“我冇收到任何消息同通知啊，原来佢（唐诗咏）系先知！同埋佢哋先至拍紧第二辑，照计唔会咁快定第三辑，或者有冇第三辑都未知。”她亦表示未有收到任何会在第二辑中客串的计划，但可能会将她于第一辑中生死未卜的角色Kennis的片段当成回忆来作剪接。

除了八点半见到Ali在《爱美丽狂想曲》中的演出，她首部主演的剧集《律政强人》近日亦因为要纪念因胃癌病逝的廖启智而放在翡翠台深宵时段重播，Ali坦言智叔当年帮助了自己很多，亦教了她很多作为演员要学的道理，讲着讲着双眼也变得通红：“我而家每晚都准时睇《律政强人》，真系愈睇愈挂住佢（廖启智），亦勾起咗好多同佢合作时嘅点滴，我有少少觉得可惜嘅系我当时同佢嘅对手戏唔算好多，但系某啲说话已经令我好印象深刻。”

她忆述当年的她演技仍然很稚嫩，有一场戏有个摄影机一个镜头要离远影过来，智叔在那场戏之后马上提点她：“佢同我讲咗句就系话，‘一个好嘅演员做角色嘅时候一定要留意个cam（镜头）喺边，除咗要演好你啲戏，讲好你啲对白，做好自己角色之外，同时要有对眼望住个cam，个cam喺边度嚟，你要有个意识要揾同埋配合个cam’佢咁讲完之后我当时觉得‘系㖞！’当时嘅我做戏只系挂住背好句对白或者做好个角色，但系完全忽略咗外在嘅嘢，包括对手、机器器材、灯光等等。原来一个演员要睇嘅嘢要系好阔，就系佢当时呢一句说话令我醒咗一醒，唔系做好自己就得，一句好简单嘅说话，我今时今日都记得。”

该剧集虽然是Ali首套转型做女一的作品，但当时智叔已经独具慧眼公开大赞Ali有潜质夺视后，结果Ali果然在两年后凭《BB来了》大热夺视后宝座。可惜Ali和智叔完成《律政强人》之后已经没有再见过面，亦没有亲自听到智叔的祝贺：“𠮶次合作之后真系冇（联络），可能我个人都几自闭，完咗套剧庆功会有交流有倾偈，始终佢系一个前辈，我又唔系好主动去揾佢。但好开心有个前辈咁睇好自己，对我哋呢啲咁新又冇自信心嘅后辈嚟讲，系畀咗好多鼓励同信心，真系好感激佢！”

睇埋今日活动着睡衣登场嘅Ali：

同场加映：律政强人︱李佳芯首担任第一女主角　跳出“狐貍精”框架获肯定

点击下图观看李佳芯演过几多次衰女人、狐貍精：