【新歌发布会】严淑明与李健达相隔二十年再度合作：好难能可贵

李健达（达哥）和严淑明（Mandy）今日（12/4）齐齐现身新蒲岗为新歌《失去后才懂》举行发布会。达哥表示：“其实我认识Mandy都有二十几年时间，之前佢第一首歌都系我帮佢监制。过往我都好少喺香港，因为疫情关系留咗喺度，而Mandy知道我得闲就揾我食饭，仲喺饭局度提出不如再度合作，仲话要搞番首合唱歌曲，当时唔知系咪食咗啲‘有味’饭𩠌，搞到个人傻吓傻吓咁，就咁应承咗，哈哈！”

Mandy就话：“其实我好有信心，佢当时一定唔会say no，因为我好有把握先会问佢，唔会贸贸然问一啲冇把握嘅事。不过好开心佢真系应承，因为我成日都觉得大家都认识咗咁耐，令够有一首属于大家嘅合唱歌曲，真系好难能可贵。”