【开心大综艺】冯盈盈为余思霆澄清：佢冇同男朋友祼聊
撰文： 邱爱霖
出版：更新：
冯盈盈早前《后生仔倾下偈》重提当年选华姐时，与余思霆同房生活的趣事，表示当时冲凉后余思霆表示玩紧facetime，叫她等一等，令不少网友幻想，以为余思霆同男友玩祼聊，今日她在《开心大综艺》为好友澄清。
“我想澄清返余诗霆绝对冇同男朋友玩祼聊，当然我同佢选华姐𠮶阵就同一间房，两个女仔都会有玉帛相见嘅时候，系因为大家都太赶时间，要一齐换衫或者冲凉，我见到佢同朋友facetime绝对系有著衫嘅，佢仲好好心提我，因为佢开咗镜头，叫我尽量唔好入镜啫，当然我唔系24小时喺间房都赤祼，好似我换衫呀，冲完凉出嚟攞毛巾、攞衫，佢就会好小心提醒我，不过我就唔会够胆同男朋友祼聊，或者影啲性感相。”而今日有报导指曾志伟曾邀请姜涛上TVB节目，不过被鲁庭晖拒绝，而曾自认姜糖之一的冯盈盈说:“呢啲就交俾公司安排，我呢啲小薯冇可能过问嘅。”