欧阳震华自爆已打科兴疫苗　认为最符合东方人体质：咁已经够啦

撰文： 赖家杰
出版：更新：

欧阳震华（Bobby）今天（8日）出席《伙记办大事》的宣传活动，Bobby一直都被形容为是TVB的收视福星，但近年来TVB的收视未如理想，Bobby认为是网民太多选择：“因为有韩剧，国内剧等依家都好好睇，唔单单古装，连时装都拍得好睇。人一日得24小时，唔系觉得网友唔睇TVB，而系网民多咗好多嘢睇系咁解啫。希望大家可以睇返多啲港剧，我哋睇港剧大，拍港剧大，咁奖门人（曾志伟）又返嚟。（觉得TVB要改革？）当然啦，尤其做传媒做电视呢行，你真系要同人斗快，我哋拍剧真系要投放多啲钱，返大陆取下景，先同人竞争到，香港真系好少景畀你拍到。”

Bobby认为TVB要投放多点资源去拍剧。（叶志明摄）

谈到疫情，近来不少艺人都打了疫苗，Bobby亦自爆打了疫苗，他说：“呢个疫苗打咗紧系好过冇打，我都打咗，我紧系打科兴啦，因为科兴我觉得符合我哋东方人体质，同埋我睇数据负作用少啲，轻微啲。其实我都问过我医生，佢都答唔系百分百保你，但系如果咁都中，唔使入ICU机会细咗，咁已经够啦。”

Bobby直言现时只打了第一针，第二针还没有打，忘了打第一针的日子。（叶志明摄）
+1

同场加映

波波懒理被曾志伟力捧新闻继续游山玩水　网友赞：太迷人的笑容了

+46