倪嘉雯杀入《Think Big天地》做主持：最大挑战系唔知小朋友答咩
撰文： 邝钰莹
出版：更新：
倪嘉雯（Carmen）去年4月正式加入无线后，先后以不同嘅身份客串《开心速递》正当唔少fans以为倪嘉雯继续做路人甲之余，原来佢已经正式入组儿童节目《Think Big天地》，成为主持人之一，并在上星期儿童节播出一集，与高海宁、蔡思贝等人同时亮相。
比起过往唔少加入无线后，做足几年路人甲嘅艺人，倪嘉雯可算是上位神速 ，她接受《香港01》访问时表示由于从未接触过综艺节目，所以一开始收到通知时，既紧张又开心：“而家多咗新范畴比我去尝试，系一件好好好嘅事，同埋听好多人讲都话《THINK BIG》系训练营，对新人嚟讲，无论系口才或望镜头都会有好大帮助。”倪嘉雯表示之前曾报读主持的课程，学习说话技巧，可以极速大派用场，都算系开心事。“同埋之前都睇咗好多儿童节目，觉得最大挑战系估唔到小朋友会答咩，佢哋好天马行空，所以自己都希望可以喺啲前辈身上学到对答技巧，同脑筋转得快啲。”
倪嘉雯之前不时客串《开心速递》，如今又做埋主持，她认为自己仲系新人，只要有工作揾上门，都一定唔会推。“你问我钟意主持定拍剧多啲，我觉得两者可以并存，因为一个系代入角色去经历佢嘅生活，一个系考转数、应对能力，比较做自己。”倪嘉雯又笑言。如果有机会的话，想挑战做LIVE SHOW以及旅游节目主持人，前者是因为朋友常笑她的言行十分有趣，而后者则是因为常常看到旅游节目主持人，发掘隐世景点、美食，感觉十分过瘾。
点击睇倪嘉雯靓相
+33