口罩小姐｜如果ERROR遇粉丝到家按门铃　193：哗！即系一楼一咁？

组合ERROR为ViuTV节目《最后一届口罩小姐》担任主持及参赛佳丽的队长，今日（04/4）肥仔（梁业）、193（郭嘉骏）、DeeGor（何启华）出席《最后一届口罩小姐》的拉票活动，会上057“阿姨”就以改篇的《破坏之王》旁白介绍自己，不过队长肥仔竟然揶揄她：“妳有咩武器就收返埋先。”怎料057“阿姨”反驳说：“我啲武器成日都扮喺身。”一时之间令肥仔哑口无言，场面尴尬又好笑。

ERROR接受《香港01》访问时，表示在《最后一届口罩小姐》完成后，就会开始拍摄另一个新节目《ERROR自肥企划》。DeeGor：“个节目疯狂刺激搞笑乜都有。”肥仔：“话有奖品，但系唔系咩奖品十万件，而系有iPad仲有好多贵嘢。”奖品会不会就是和“女神”沈殷怡浪漫过一日？193就笑说：“主要系我哋三个对佢冇兴趣，我谂佢都好渴望同我哋去，不过我哋拒绝咗，哈哈哈。”

保锜会不会参加拍摄？193：“呢个系佢之前接落嘅工作，所以佢都要完成埋佢。”《ERROR自肥企划》即是他的遗作？三人异口同声：“哗！”193：“呢啲我唔肯定，要问返公司。”肥仔笑言：“雪柜旧肉有时都要拎返出嚟叮热佢嘅。”193：“咁旧肉会冇咁好味㖞。”DeeGor：“佢而家只系保鲜啫。”

早前姜涛被“私生饭”跟踪，甚至影响家人以及日常生活，ERROR就表示粉丝应避免有这种行为，193：“你跟个星都系因为钟意佢，但系咁样又会令佢唔钟意你，咁有乜为呢？畀返啲私生活大家啦。”如果有“私生饭”到家按门铃，会怎处理？193：“哗！咁咪即系一楼一咁？”DeeGor即时问：“咦，你又知嘅？”现场传来一阵爆笑，还好193也解释：“因为我细个睇TVB啲剧成日有揿钟仔啲戏。”DeeGor回答：“畀我就会拆咗佢。”

点击下图睇口罩小姐最后八强：