陈凯琳分享凑仔经　教数数字反被仔仔纠正：佢真系好得意

陈凯琳今日（02/04）为TVB新综艺节目《日日妈妈声》担任嘉宾，她接受《香港01》访问时，就自言十分享受“少奶奶”生活，还分享了不少凑仔经。

陈凯琳（Grace ）：“我成日都话过紧少奶奶生活嘛，所以今日返嚟开工，哈，讲笑讲笑。其实都好耐冇同大家见面，因为拍剧时间比较长，但系拍呢啲咁开心嘅节目，时间就分配到，又可以清醒下头脑。”

她表示，今日她返工时，就轮到老公郑嘉颖留在家中照顾两个儿子：“哈哈，唔好用‘擗低’两个字，系照顾两位小朋友。其实佢（郑嘉颖）系一个好尽责嘅爸爸，好多时间都系佢照顾两个小朋友。我哋有个共识就系，佢开始嘅时间就我睇住佢哋，佢唔使开工就佢帮我睇住两位少爷。”

陈凯琳也表示，希望趁儿子还小的时候多些陪他们成长：“咁可爱嘅小朋友阶段要陪多啲，如果唔系大个识搏嘴就会后悔。”她还分享了一个趣事：“譬如我哋教佢数数字，会用5只手指数one two three four five，有一次我哋数嘅时候就净系用一只手指，跟住佢就望住我：‘no mommy，you are wrong，only one。’跟住我就会谂，你啱，点解咁细个就识呢啲，佢真系好得意。”