翟威廉回应性伴侣数量惊人指控 称麦贝夷很重要：感情上唔讲大话
歌手麦贝夷日前在个人IG罕有谈及感情事，谈及不甘被视作死缠烂打的傻瓜，更不惜力数前度不是：“今天才知道，你性伴侣的数量多得惊人⋯⋯”文末不忘留下线索祝前度生日快乐，网民发现矛头疑直指当日36岁生日兼与女方有过绯闻的翟威廉（William），翟威廉周四（1日）出席活动时直指近日都被以可怜目光注视，语带轻松地表示过了个难忘的生日但现时已看开：“最初我好唔开心、会委屈，但咁大个人有时要睇化！”
William极力表示有两点需要澄清：“首先我唔系麦贝夷男朋友，从来都唔系，亦冇一齐过，佢系我好好嘅朋友；至于个Story系咪讲我，我唔系佢男朋友即系唔系讲紧我，但我重复睇返个Story又冇话系佢男朋友，所以会唔会有可能系话我？我有咁嘅感觉，始终系我生日，若然里面真系话我。”
麦贝夷发文再回应旧爱“性伴侣数量多得惊人” 未有为翟威廉平反
William又自爆现时的感情状态：“我想澄清返自己七年嚟单身系有拍散拖，但都唔系惊人嘅数量，系正常人嘅数量，我喺感情路上亦从不讲大话，但若然当中有任何嘢令人唔开心或者误会，直程系我衰又好点都好，如果有的话好诚恳讲声对唔住，我会改进；但唔系讲我就当发噏风。”William亦否认二人有过暧昧的时期令对误会，表示二人只有一起在Happy Live努力打拼的时期，指女方系“好重要嘅人”。
William继而表示虽然二人关系及后稍疏远，但并非反目成仇：“可能呢一刻大家好唔开心，终归感恩系多过一切。”William又指现阶段无法直接联络对方，只能透过中间人转达讯息，他亦曾提出要求麦贝夷澄清，仅获回复“唔方便”。William又指不会生疏地以“麦小姐”称呼麦贝夷：“因为我哋好熟。”但现时不会选择面对面讲清楚：“将来啦，有时去到一个地步大家唔想见、唔想有交流都唔紧要，始终香港好细，又唔使讲到一刀两断，但愿一切都好，大家唔好再纠结，由佢平息。”