相爱25年｜单立文胡蓓蔚结婚13周年恩爱如昔：你激下我，我氹下你

2008年3月28日，单立文胡蓓蔚举行婚礼，眨下眼已经13周年。一直以来豹哥豹嫂都系圈中模范夫妻，呢日佢地分享合照放闪，仲分享感情保鲜方法。

豹哥豹嫂当年因为音乐而定情，豹嫂接受《香港01》访问时曾透露系自己作主动：“两个人互相对对方有意思，你会感觉到𠮶种空气中嘅特殊电波，只系欠一个人开口问，我算系叫做主动行第一步，问佢要唔要开始呢段关系。”1996年拍拖，2008年结婚，不经不觉已经携手迈向25年。

结婚13周年呢日，佢地分别贴出同款合照，豹嫂分享二人相处就系：“你激下我，我又激下你，你氹吓我，我又氹下你，咁就13年了！Happy Anniversary Lo Gong ”而豹哥则表示：“佢问我：我地结咗婚几耐呀? 我:Mmmmmmm 到今日咪系十三年啰!⋯⋯如果我唔记得,你哋估吓我有乜嘢下场？#其实靓仔真系冇罪嘅 #人不Marry枉少年 #十三年前的一个骗局 #其实结婚真系冇事架 #口罩下的浪漫。”