面对好友吴孟达廖启智相继离世　田启文：外界唔知我内心有几痛苦

田启文（田鸡）今晚（29/3）现身将军澳出席电影首映礼。提到好友智叔（廖启智）日前不敌胃癌离世，田鸡伤感表示：“其实外界系唔知我内心有几咁痛苦，系因为达哥（吴孟达）同智叔呢两位好朋友佢哋出事嘅事前，我系知道。因为佢两位想低调，所以吩咐我唔好同外间透露佢哋嘅病情。咁所以达哥走咗之后，我系好想去珍惜阿智叔，去医院探佢，我有问过智叔，佢话医院只准家人探病，所以婉拒咗我，咁所以我只可每日同佢短讯联络，而佢每日都有回复我嘅。直到㖊日，佢依然都冇覆到我，到晚上就收到佢嘅死讯，只可以讲又缘悭一面。”