东张西望｜廖启智曾因忆亡儿情绪崩溃：因为冇得帮诺诺盖被
撰文： 邝钰莹
出版：更新：
资深演员廖启智昨晚（28日）因胃癌逝世，终年66岁。喺今晚（29日）播出嘅《东张西望》，访问了多位智叔嘅好友，当中包括江美仪、米雪、田启文（田鸡），而鲍起静提到近年身边好友、同行相继离去时，一度感触落泪：“好遗憾系一心谂住佢会好返，想同佢食嘢、行山，可惜已经无呢个机会。”
与智叔相识40年的田启文（田鸡）透露在智叔临终前曾收到对方电话：“几年前，智叔想做导演，揾我做监制，直到两星期前，佢有日揾我，叫我唔好等佢，叫我继续搞部戏，佢话自己死咗两次，心脏停咗两次，被医生救返……呢个系佢未了嘅心愿，所以交代我继续搞部戏，到前日，佢仲问我呢件事，问我会唔会因为佢唔喺度，部戏而停下来，我答应佢一定完成，咁佢听完之后，可能系了咗心事，所以走咗。”
节目中，亦有回顾了智叔与陈敏儿嘅爱情故事，提到当年陈敏儿嫁给智叔时，由于当时已经系一线花旦，故引起女尊男卑的争议，好友吴丽珠接受访问时，指二人的感情一直走来不易，但她记得曾在TVB化妆间见智叔非常温柔照顾陈敏儿，故十分难忘。
另外，节目中亦播出智叔生前讲及细仔廖文诺的片段，“因为冇得帮诺诺盖被，我好伤感，一下子喊咗出嚟，我太太、大仔、二仔都呆一呆，然后二仔讲一句‘成家人最老系你，最快见到诺诺系你，喊咩啫？’”如今回看，可以说是感慨万分。
点击下图睇智叔扮鬼扮马片段
+15
点击下图睇智叔与陈敏儿感情路
+20