爱美丽狂想曲｜李佳芯曾太投入角色未识抽离：拍到成个人抑郁

无线剧集《爱美丽狂想曲》播映以来回响不错，李佳芯（Ali）饰演的王丽美也有不少好评。李佳芯接受《香港01》访问时说：“有反应我自己都开心嘅。”拍轻喜剧自然是欢迎睇得开心，演员也演得开心，但Ali也表示，演一些不开心或者压抑的角色时，她也会感同身受，更因此而感到十分抑郁。

李佳芯：“拍唔开心嘅角色，其实我都辛苦，因为啲唔开心真系要由个入面出嚟，要平衡啦，拍一套沉重啲嘅角色之后，希望可以拍返两套开心啲嘅。之前会拍到成个人抑郁，每一次拍一啲压抑嘅角色，拍紧嘅时候同埋完咗套剧之后𠮶段时间，个情绪都会低沉啲。”

怎样缓和这些情绪？她回答：“最好嘅方法就系直接入下一个角色，尤其是系剧接剧嘅时候，入下一个角色就系最好嘅治疗，当然你会希望下一个角色都唔系好惨情嘅角色。如果接一个开心嘅角色，你都会容易啲转换。”

问到哪些时期是李佳芯最不开心的时候，她回答：“《与谍同谋》，𠮶时头十集都系喊足十集，同埋𠮶时我仲系好新，未识处理，用咗好多死力落去，所以𠮶段时间会辛苦啲。我记得拍完之后唔开心嘅情绪维持咗好耐。”并谓靠着投入另一个角色，脱离抑郁的情绪。