他来自江湖︱刘桂芳初出道拍摄劲惊青 感激周星驰吴孟达带入戏
撰文： 陈芷颖
出版：更新：
由万梓良、周星驰和吴孟达主演的无线经典剧集《他来自江湖》（1989）最近在翡翠台深宵时段重播。当中饰演吴孟达前妻、周星驰母亲的刘桂芳今日（24/3）出席宣传活动时亦回忆起当年的拍摄情况，更指镜头后的星爷说话同样啜核搞笑。
《他来自江湖》是芳姐初入行的作品，她坦言当时非常细胆和紧张，幸得达哥、星爷的带领令她投入角色：“系我第一年入行，第一、第二套拍嘅剧，𠮶时好细胆好惊，知道套戏系搞笑，弊在我嘅戏份都系好Serious，就算星爷喺隔离都笑唔出，佢哋做得好投入就带到我入戏。”
点击下图回顾刘桂芳撞破吴孟达出轨画面：
+37
镜头前的星爷总是将欢乐带给观众，芳姐指镜头后的星爷说话同样啜核：“镜头下唔觉得佢点样搞笑，但有时佢讲嘢好啜核、都好好笑。”言谈间，芳姐又亿起与星爷的拍摄趣事并说他拍摄期间突然“爆肚”，而自己却不够醒目接不上对白兼NG：“剧本冇，佢加咗啲嘢但我唔知。我讲完对白，佢话‘唔系’，我以为我讲错对白，佢话‘冇嘢，Cut咗嚟过’。佢加啲好笑嘢，但我误会佢意思，唔醒目，害到大家又要NG。”
达哥早前不敌肝癌病逝，虽然芳姐与达哥的合作不算多，不过却形容对方为人开朗：“佢系一个几开心嘅人，同达哥拍嘅剧得呢套，喺化妆间见到佢成日都笑笑口，觉得佢好开心。”