韩马利自爆患脑膜炎期间严重断片：姑娘同我讲返试过偷走两次

韩马利（Mary姐）于2019年曾因脑膜炎入院半个月，她在康复后曾坦言一只脚已踏进鬼门关，日前她接受马浚伟嘅《缘来自咖啡2》提到，从前工作占去自己大部份时间，但病愈后有感需要过一点更充实的生活，首要做就系修补同老公燕哥（杜燕歌）嘅关系。“因为以前我忽略咗佢好多，我祈祷让我恋慕我丈夫，好感恩祷告之后对佢嘅眼光唔同晒，以前觉得佢好stupid嘅嘢，而家会觉得好得意。”

韩马利表示自己生病时，完成感受到老公的关心，看到对方推辞工作照顾自己后，亦有所反省。“我同佢say sorry，同佢讲以前忽略好多佢感受，试过几次佢大病，我放低啲药叫佢自己食，然后就去开工，结果佢自己入咗医院，我仲话‘发烧咋㖞，要唔要入医院呀？我开工，你听话，听日嚟接你’你谂下，有个咁嘅老婆，以前唔觉得自己咁衰。”她表示经此一疫后，老公很多事都不再告诉她，认为讲都无用，开始各自各生活，直到自己大病过后，才将问题揭开，并庆幸能够有机会修补。

韩马利表示过往生病都不会去睇医生，但19年发烧时，老公提议她去睇医生，原来是因为看到她当时十分呆滞。“坦白讲，医生一话完我要入院，我所有记忆都断晒，其实我入院三个星期。我无记忆到，有姑娘同我讲，有两晚我拎住手袋去搭电梯，好在佢哋见到捉住我，我问‘你哋做咩捉住我？我今晚要拍两场大打戏，一定要返工’，其实试过两次，亦试过突然会去洗手间冲凉、揾花洒淋自己，但呢啲我系完全无记忆。”韩马利说住院期间，朋友去探望她时，看到她词不达意且十分呆滞，都认为她“就快唔得”，幸好第二星期她开始回复正常、有意识。韩马利表示自己情况最差时，一日只食一只鸡蛋，“医生一叫我食嘢就喊，一只鸡蛋已经系极限。”

同场加映：双祥见｜阮兆祥忆庄静宜性感经典　难忘高海宁扮紫荆侠：无拣错人