Anson Lo视30岁为转捩点　手术后康复理想感激家人悉心照顾

Anson Lo昨日（6日）现身亚博出席后援会为他举办的《Together We Celebrate》生日会，与5千神徒庆生，生日会玩足两小时，在问答环节时，被问到“会拣另一半唔刷牙定唔洗头”时，对气味十分敏感的Anson Lo最后宁要唔刷牙，也想另一半洗头。而为了与神徒更近距离，Anson Lo乘坐“捞捞号”绕场，在发表生日感言时，Anson Lo提到自己不是29＋1 ，而是30岁。“我今年30岁，除咗越嚟越Man，我觉得都系一个转捩点，一啲以往嘅遗憾、挫败都摆埋一边，要勇往直前先！除咗事业之外，我觉得承担感都重咗好多，除咗照顾屋企人嘅责任，仲有照顾每一位神徒，想每一日大家都开心，你哋靠住我嘅时候都有被保护嘅感觉。”

提到7.7生日当日，Anson Lo预告有school tour，收工后会与家人食饭。提到早前的手术，他表示已康复九成，而最感谢是家人的照顾。“我住院几日，每日全家总动员都嚟睇我，虽然Amber嚟唔到，但佢哋都好照顾我，头几日完成郁唔到，大家都好照顾我，留喺度陪我几小时。亦好在有AM Team、同埋我助手，佢直情住喺医院，所以好多谢大家照顾我。”

另外，提到日前的“Eason 见面祭”，Anson Lo表示与前辈同台演出感到十分荣幸，Eason亦十分热情，每次见面都会主动hi five，彩排时都感受到对方对音乐的热诚与热情。“有讲到嘢，我哋MIRROR逐一同佢影相，Jer系最兴奋，因为系铁粉，影相前后都尖叫，返到房都未冷静，好戥佢开心。”