41岁上位女歌手低调结婚罕谈姊弟恋　婚前协议：我讲明唔生㗎喇

出道13年的叶巧琳(Mischa)，五年前因参与《全民造星3》而让事业有所突破。今年年初，Mischa伙拍林奕匡及黄妍合唱《艺术与科学》首登叱咤颁奖礼并摘下“叱咤十大”。她更首度自揭已婚，于台上公开多谢老公。叶巧琳为事隔两年推出的独唱歌《小伤疤》接受雷霆881商业一台《星光背后》专访，透露此曲是为纪念过去一年多来，先后经历两次爱猫离世之痛。此外，她还首度披露与老公属姊弟恋，及夫妻俩早于2021年疫情期间低调结婚的两大原因，而她答应老公求婚的其中一个条件竟是：“我唔生仔！”

无论是事业低潮期，或是过去一年多两次痛失如至亲的爱猫，Mischa坦言幸得老公一直在身旁守候及支持。节目中，Mischa首度披露夫妻俩早于她未入行便认识，那时她还在演艺学院读书，“我哋2009年一齐，系透过朋友介绍一齐饮嘢识。当时佢仲响澳大利亚读书，佢仲叫我家姐，的确系姊弟恋。我哋一齐之后佢仲要返澳大利亚继续读大学，我哋仲用MSN沟通，long D咗一段日子。”至于谈及跟老公最“夹”的地方，她说：“我哋一凹一凸，佢‘腍啤啤’、好好脾气，我有时好冲动，佢会考虑周详，就系咁好‘夹’。”

Mischa更承认另一半早于2015年已曾向她求婚，惟当时事业未明，所以未有答应。至于2021年事业终露曙光，又为何改变主意？她说：“我都咁上下年纪，都一齐咁耐，唔系佢系边个？讲真，结唔结婚对我来讲无所谓。另一原因都同family有关，我爹哋妈咪都年纪大，爹哋都87岁，我想令佢哋放心。我哋无大搞(婚礼)，只系签张纸同斟茶，连结婚相都无影。”至于为何隐瞒至叱咤台上才公布，她说：“无隐瞒，识我嘅朋友或同公司嘅同事都知，系一直唔知点对外讲。既然叱咤台咁难上，就鼓起勇气多谢老公，简单带过。”

Mischa感激老公16年来一直容许她任性追梦，尤其是她低潮没收入时亦一直给予经济上支持，“老公无叫过我转行，只系见我无嘢做嘅时候，叫过我学以致用，去教音乐有返啲收入。佢系我后盾，我谂点解我无咁进取，或者系因为有佢做我safety net(安全网)。我都有佢啰，咪安安稳稳啰。”她分享夫妻俩交往16年来绝少嘈交，“我哋好sweet㗎，从无隔夜仇，嘈交佢都系唔出声，得我‘Bili Bala’。但系我哋有个习惯，就系第二朝起身一定锡对方一啖。无论边个唔啱，起身先𠮶个就锡大家一啖，呢个系我哋一齐咁耐，一直都会做嘅事。”

对上一次专访，Mischa曾透露另一半希望育有下一代，这次再问相同问题，她说：“佢系想！佢系钟意BB嘅。有仔趁嫩生？我都唔嫩啦，好彩佢家姐为家族生咗，同埋𠮶次佢求婚都有倾，我都有讲明：‘我唔生㗎喇！’佢亦OK。但有时佢亦会讲吓：“系唔系真系唔生啫？’我知佢系好想嘅。”Mischa也透露老爷奶奶亦没给二人压力，“好搞笑，我妈咪讲返，有一次佢去咗揾奶奶打牌，我阿妈竟然先提起，问佢真系唔需要生个孙？奶奶竟然话，都OK㗎！奶奶好开通，所以我哋无压力。”

点击睇叶巧琳更多靓相：