港姐冠军囝囝9月升小未做入学准备　遭诈型自爆与自身问题有关

陈凯琳（Grace）今日（2/7）现身九龙塘出席活动。提到大仔郑承悦（Rafael）今年9月将升读小一，Grace接受《香港01》访问时透露大仔已获派心仪学校，父亲母校番禺会所华仁小学：“其实我哋又唔想公开，系想保护小朋友安全，咁所以系想低调。”

讲到为大仔入学准备，Grace笑言：“我谂我系全香港系最冇准备嘅妈妈，因为我身边有个好称职嘅妈妈，就问我点解呢样个样又未买，我就同佢讲到我哋入学嘅时候就会识，佢就话唔得㗎，要而家去准备。（你行动未？）其实我唔系香港读书，变咗我系唔知个规格会系点样，我谂到开学嘅时候，就入妈妈群组问佢哋需要啲乜嘢。”

被问大仔迎新环境要否作心理辅导？Grace表示：“其实我哋之前都有带过佢去过呢间学校几次，又会同佢讲嚟迎呢度就系佢嘅新学校，反而佢系好期待。同埋佢就会成日同二佬讲拜拜‘出年哥哥唔喺度，自己执生’。但二佬就冇乜嘢，因为最细嘅细佬会同佢同一间学校。”