执法者们｜梁竞徽指借22万系搞笑　寒冬唔止影视业：XX业更加惨

梁竞徽今日（1日）于观塘一商场出席剧集《执法者们》的宣传活动，剧中他饰演演林嘉华的儿子戴永强，是剧的反派，但他最后仍存有一丝善良。梁竞徽接受《香港01》访问时表示自己不会用“奸定唔奸”去定义这个角色：“因为我觉得其实佢奸定忠，都系睇你有咩睇法，唔同嘅人有唔同嘅睇法。”除此之外，他更觉得这个角色其实是一个很惨的人：“因为佢呢一生人都冇乜几可可以自己去做到决择。”

梁竞徽指剧中与林嘉华拍摄时没压力，因为林嘉华是一个博览群书的人，他于空档时有源源不绝的话题跟大家聊，所以连梁竞徽都表示需要有心理准备去接林嘉华的话题：“即系你要识多啲嘢先可以同嘉华哥倾计嘅，因为佢真系天南地北乜都知，好犀利。（似唔似考试咁？）又唔会嘅，咁如果你唔识嘅嘢，你可以喺佢身上去学到好多，即系可能日常冇乜机会学到嘅嘢。”

早前梁竞徽于节目中自爆做生意蚀过6位数，更一度传出财困要问朋友借22万应急，他笑指是拍摄短片：“𠮶个系𠮶啲网上面我哋去拍嘅一啲短视频嚟嘅，即系其实系即系唔系我真人，只不过系𠮶个商家，佢哋系好钟意拍啲咁样嘅短视频。”梁竞徽又指可能之前商家拍摄时没有太多人看到，但他加入拍摄后，就多了很多人看到：“咁好多人而家都系睇个标题㗎嘛，或者睇一啲人将𠮶个短视频嘅其中一个画面cut咗出嚟，咁跟住就去讲咁讲嘅时候大家就会相信啰。”梁竞徽更笑指有人真的问他是否需要金钱来周转，可以借钱给他先行周转。但他就向大家说一句有时别太认真：“我以前我都太认真我觉得，我而家我都唔会十分认真。”

梁竞徽亦指有一次于朋友的婚宴上遇到郭富城，郭富城向他说有看他演出的短视频：“阿黄（Aaron）都有同我讲佢有睇到呢啲短视频，我话你都有睇？佢话系啊，我见到你我咪睇下啰。”

至于被问到近期面对著“影视业寒冬”，梁竞徽自己有否受到影响时，他即表示：“梗系有，其实我觉得都唔系净系影视业系寒冬，我觉得零售业饮食业都系比我哋更加惨，咁所以我一有时间我都会留喺香港度消费。”

工作方面会否同样有减少时，他指不止自己有减少：“我谂好多人好多人都少咗嘅，不过我哋都要习惯，即系除咗传统嘅电视台或者一啲大嘅平台，其实好多唔同嘅网络嘅平台亦都系需要人。无论你系艺人好或者你系素人都好你都可以喺𠮶啲平台入面去发光发热，咁所以只要你改变咗你个思维模式呢，就所有嘢都通㗎啦。”