佘诗曼一个Birkin用足7年　钟情Hermès 白色袋款唔怕污糟

撰文： 邝钰莹
出版：更新：
佘诗曼个Birkin手挽位置未有绑上Twilly Scarf，反而有只Fendi Zesty Monster ，好童真（微博图片）

佘诗曼上月难得回港过年，即时四围去朋友。小休过后，阿佘日前继续北上赚人仔，完成隔离之后嘅佢，现身上海机场，手挽白色Hermès　Birkin包包，再配上已断市嘅Fendi　Zesty Monster Key Chain，贵气之余又不失童真，虽然手袋再匙扣逾18万，但对吸金力极强嘅阿佘来说绝对湿湿碎。未知系未因为终于完成隔离，阿佘心情特别靓，沿途不停同粉丝吹水，有粉丝大赞佢国语进步不少，阿佘就话一直有揾老师恶补，仲即场示范北京口音嘅国语。

无论系Birkin定Kelly，阿佘都拣白色。（视觉中国)

其实呢个白色Birkin，阿佘早在2014年时已经入手，不过当时佢就扣上Chrome Hearts 银链，较为型格，一个Hermès用足7年，仲可以保持得咁新净，确系惜物。而除咗Birkin之外，阿佘仲有一个白色Kelly 32，炒价约为23万元。

手上呢只Daytona已属古董级别，炒价80万左右。(IG图片)
劳力士6263 有白面黑圈或黑面白圈两色。（网上图片）

阿佘在2016年离巢后成立个人工作室，人气及身价一直高企，剧集、电影及品牌代言不断，吸金力极强，作为圈中小富婆的阿佘在打扮方面亦相当讲究，由日本Maison Mihara Yasuhiro、Sacai到国际品牌FENDI、Dior、Balenciaga通通都系佢出身出现过。至于手表方面，阿佘似乎较为钟情劳士力，由4万多元嘅Oyster Perpetual 36，到极难入手、炒价逾80万港元嘅古董Daytona Big Red 6263，阿佘都能够轻易拥有。早前佢喺香港时，就曾经戴住呢只80只“玩具”去探梁靖琪儿子Roman，仲母性大发喂对方食饭。

点击下图睇阿佘减龄衣著配搭

+5

同场加映：杨丞琳连环孭Hermès Mini Lindy　索价5万连VIP都未必买到

+9