离巢绿叶做演员揾唔到食 直播带货被嘲折堕：叫我死茄喱啡二打六
撰文： 董欣琪
出版：更新：
现年51岁的汤俊明自2020年离巢后北上发展，但演艺事业一度停滞，为谋生计曾转行做装修、摆档卖鱼蛋等等，亦积极经营社交平台，努力直播带货赚钱养家。上个月汤俊明透露相隔两年终于再有机会拍剧，并远赴云南拍摄，与TVB旧搭档赵璧渝第三次合作饰演夫妻。日前汤俊明与彭迪安（Eddie）一起跑步拍片，大谈近年在内地发展的情况，并直言不介意被嘲是“茄喱啡”、“二打六”，更扬言：“多啲叫我死茄喱啡，多啲叫我死二打六都唔紧要㗎！”
汤俊明透露已在内地发展5年，起初由演员转做娱乐直播，但就有网民留言：“呢个茄喱啡，呢个二打六都折堕喇，而家搞到要做直播”，之后他又试过在街头直播带货，再被网民嘲讽：“哗，你睇下佢几折堕几惨！叫佢后生勤力啲㗎啦，发咩明星梦呀，而家折堕到要喺街度做直播带货。”不过汤俊明就不以为然：“其实我又唔觉得直播带货系折堕，每个人都有个梦想嘅，我有做演员呢个梦想，但系要维持呢个梦想，都要揾食㗎，做演员真系揾唔到食呀嘛，我都要养家㗎嘛。”虽然收入未算丰厚，但他自言“生活到”，亦不介意被嘲是“茄喱啡”、“二打六”：“我系死二打六、死茄喱啡，其实大家愈多人留言呢，即系愈多人知我做演员，所以冇所谓，大家喺我直播或者我视频里面多啲叫我死茄喱啡，多啲叫我死二打六都唔紧要㗎！”相当豁达！
点击睇更多汤俊明演出剧集：
+11