电影业步入寒冬　曾志伟叹市民生活模式改变：睇戏唔系一个必需品

曾志伟和曾宝仪两父女出席电影《交换礼物》的慈善放映，访问担任电影旁白的曾宝仪提及拍摄《交换礼物》背后的意义。她表示，常听到身边朋友提及“癌症是一份礼物”，所以想籍电影以纪录片形式去探索生命的本质，以及这句说话的意义。

曾志伟也在访问中透露，他们源自于癌症家庭：“我哋屋企都几奇怪，源自癌症家庭。我太太系啦，我个妹系啦，我阿哥系啦，呢啲系讲走咗。头先姪仔，好嘅有阿Sam我表妹夫、我妈咪，所以我哋经历过晒，陪伴同埋面对，点去珍惜，点去表达，系乜嘢令到我哋明白，生命系乜嘢呢。其实头先影相，系帮我哋拍一张合家欢，冇所谓啦，因为我好想将呢个经历同大家分享。当然唔止讲我哋屋企，仲去咗好多唔同地方，访问好多患者，家人（曾宝仪补充：医生，学者）。希望更多人明白，虽然佢系一件坏事，但亦都唔系咁恐怖。”

问到，为什么会拣在这个电影业寒冬之中上映，曾志伟就回答：“希望播完套戏先执笠，哈，讲笑讲笑。其实电影唔净止香港，个疫情系影响全世界呢个行业，更何况经济好差，因为𠮶阵时政府又冇钱，生意好难做。以前8点，8点半食饭，而家大家好健康6点半就食饭，9点，9点半就冇人，咁所以大家系唔想消费，定悭啲钱消费，亦或系咩呢？因为系经济差，变咗，睇戏唔系一个必需品，除非好戏！而家就系等口碑，点解《破地狱》咁多人睇？因为口碑啰，有口碑大家都想睇。你话讲人生，大家都话好睇就自然想睇。当然系拣好戏之余又多啲人入戏院啦，希望拍多啲有诚意嘅电影出嚟同大家分享。”

话题一转，曾志伟又表示做了总经理之后，差点忘记了自己是电影人的身份。问到会不会“出山”拍戏，他说：“而家唔系冇题材，冇人想拍，系冇投资者。我哋喺呢个行业识嘅人咁多，希望揾多啲投资者嚟投资，希望佢对我哋更加有信心，令电影就业者有更多机会。”

另，曾宝仪在访问中被问到有否，因为曾志伟担任TVB总经理而影响身体健康一事，她说：“反对系一定要讲嘅，因为担心佢身体健康，但系佢做得开心，我觉得佢有使命感做呢样嘢，所以你系阻止唔到佢，但系你自己都会慢慢明白，其实佢都......70几岁啦，应该都留返啲时间have fun，出去玩，系嘛？然后健康咁过生活。”可见曾宝仪一方面担心父亲的健康，但又相当尊重曾志伟的决定。

访问中，曾志伟和曾宝仪两父女也提到会在父亲节一起去食饭。曾志伟：“两个礼拜前，佢哋已经约咗我话食饭，记得𠮶日留畀我哋食饭。我以为系做电影宣传先食饭，原来后尾先知𠮶日系父亲节。原本𠮶日要出差，咁就要留低啦，一家人可以食餐饭系好开心。”有记者问：“系咪未来女婿都一齐食？”曾宝仪笑言：“啊？你问啲咁嘅问题？”记者补充是揾“导演”一齐食饭，曾宝仪就说：“系呀，佢都辛苦啦。”