陈豪自认贴地但好挑剔要追求味道 好食的话唔介意要排队
艺人陈豪昨日（9日）出席TVB剧集《侠医》的煞科晚宴，他接受《香港01》访问时被问到早前与陈茵媺以“夫妻档”亮相综艺节目，即场大晒恩爱，他则指“不是”晒恩爱：“系成个show都系关于情侣之间嘅嘢，尤其是夫妻之间嘅嘢，咁变咗都分享咗少少自己情侣时候嘅啲小点滴。”
陈豪更指要在镜头面前晒恩爱是很不习惯：“我又唔惯，Amy又唔惯，但系原来好彩唔止我哋，原来系咁多对嘅情侣都唔惯嘅。”虽然他们不习惯对著镜头晒恩爱，但因为有萧正楠及黄翠如同在，所以自己才没那么尴尬。至于之后会否继续以“夫妻档”上节目时，陈豪却表示要想一下：“其实我哋都唔系好熟识综艺，所以尽量叫玩下开心下。（会唔会一齐拍剧？）拍咗㗎啦，我之前都讲其实已经拍咗就ok㗎啦，我都会想系鼓励Amy去同多啲其他嘅演员合作。”陈豪作为大方人夫，他表示不会霸著太太，所以会鼓励她出去见多一点：“所以我都系想佢出去，做返个演员同多啲唔同嘅人合作会好啲。”
陈豪之前曾提过有养家的压力，现今太太都有出来工作，他被问是否压力有减少时，他笑指没有太大的分别：“其实由头到尾都冇乜点变，都系一样。一模一样，咁相反工作都好稳定，亦都好多唔同嘅工作，咁变咗touchwood，喺咁嘅环境之下仲有咁多job，我系会好好地珍惜。”
陈豪对于太太出来工作有另一番见解，他并不是觉得太太出来工作帮补家用，而是觉得太太间中出来工作是不会与社会脱节：“其实对佢哋嚟讲系好事嚟㗎，如果太过困喺屋企呢，有时反而同外界会脱节咗，又唔系话太过健康。”
至于早前有网民拍到陈豪“贴地”排队吃车仔面，他即笑指自己也是普通人：“我阿mo都系一个普通人，只不过我个身份系演员，有时好多人认得我，但我阿mo从来都唔理自己做乜嘢，我都系做返一个普通人做嘅嘢。既然我想食𠮶个车仔面但系又要排队㖞，咪去排队。”他更大赞那间车仔面不错。
陈豪更表示自己是一个很挑剔的人：“我系一个好追求味道嘅人，我唔理你两𩠌饭又好咩都好，就算我咖啡又系，就算杯水都系，我要佢系要好味先得，我觉得咁样系对得住自己。”原来被陈豪选中的都是符合他的品味。