金像奖最佳男配角工作不稳定　买鸡胸学悭钱格价睇边间最平

艺人冯皓扬昨日（9日）出席TVB剧集《侠医》的煞科晚宴，他今次于剧中饰演一名有湿疹的病人，需要陈豪的治理。冯皓扬接受《香港01》访问时被问到近期是影视业的寒冬，自己于拍电影及拍剧方面有没有受影响时，他想了一会就表示：“我so far都感恩嘅，即系冇话一段好长嘅时间会冇嘢做、冇工开。唔系话每日都要去开工，有时候最多就一两个礼拜，可能自己揾啲嘢去搞下，可能做下gym，学下啲语言。”他觉得这个节奏对他来说是刚刚好，因为可以有时间让他去消化、分析及检讨他做过的事情，让他知道怎样去进步。

至于收入方面他则表示“自己悭啲啰”！冯皓扬笑指这样可以学懂去理财：“唔一定系成日都富富贵贵，我觉得学识去理财，如果你揾到乐趣都好玩，今日又悭咗五蚊，今日又悭咗十蚊，我呢个年纪可以多啲去磨练。”

对于是否要“悭住洗”，冯皓扬指自己最近在研究健身方面，所以四出研究在哪买鸡胸会便宜：“买鸡胸，我会研究下边个市场嘅鸡胸系会平啲，我最近研究咗我屋企楼下买400g鸡胸系39蚊，算系一个唔错嘅价钱。（即系悭系食𠮶方面？）食𠮶方面我都冇乜要求，食嘢我为咗吸收我需要嘅营养，而唔系真系话我要大鱼大肉。”冯皓扬又笑指自己平时都不太大使：“我个人不嬲都冇乜消费欲望，咁所以都ok。”

冯皓扬表示还未知道未来有什么剧拍，要看有没有监制找他：“冇嘅我都觉得装备好自己，因为始终我都幸运啦，爹地妈咪都算支持我。即系唔系必需嘅时候都唔会想揾屋企人攞零用钱嘅，咁但系而家我间唔时工作下又悭下钱嘅时候，都生活到嘅。（需要做兼职帮补？）其实需要嘅！但系就暂时继续呢个状态先，需要就睇下我有冇嘢想买。”

冯皓扬指“问屋企人攞零用钱”并不是直接问家人拿，而是在学习兴趣班时，家人会说：“我帮你畀啦！”至于自己会否给家用时，他则指是“一时时”，因为工作不稳定，所以是不定时给家用。