杨明拍拖长跑9年被追问婚期　庄思明：等大家可以免费上月球先

杨明和女友庄思明今日（07/6）出席黎燕珊（珊姐）大女儿的婚宴，他们接受《香港01》访问时表示，珊姐与他们感情十分好。庄思明：“佢成日照顾我哋，系一位对我哋好好嘅前辈，又会煮饭畀我哋食，好锡我哋。”杨明也表示，早在半年前已收到出席婚宴的邀请。

讲起两人的婚期，杨明：“都系𠮶句，由佢讲。”庄思明说：“2046年。”杨明：“都系𠮶句，时间未知，但系我会尽快，会努力去多啲婚宴。我自己凭空想像，都知有好多嘢要搞嘅。”庄思明又笑言：“等大家可以免费上月球先啦。呢啲催都催唔嚟，我哋又好少讲呢啲话题，跟住我哋又好hea咁答。”

早前庄思明表示股票“坐艇”：“我谂呢个市道好多人都经历紧。再接再厉，我当交学费，而家努力啲学识唔好乱咁嚟，凭感觉，唔好凭直觉冲入去。我知我好坐得嘅，之前坐成8年，所以唔惊嘅。（散纸啫）就系唔多，所以同冇晒冇乜分别。”她透露，大概有6位数字。