高钧贤罕谈与富婆太太闪婚兼火速造人　与继子女关系似朋友

现年41岁、2005年香港先生冠军入行的高钧贤 (Matthew)，10年前约满TVB北上发展前，曾由靓仔小生沦为剧集御用色魔。内地成名后，Matthew三年前回巢拍《白色强人2》演技首获赞赏，之后的《一舞倾城》及《新闻女王》等演出亦同样掀起热话。高钧贤为热播的《刑侦12》接受雷霆881商业一台《星光背后》专访，节目中他除了披露与林保怡合作的点滴以及回顾入行二十周年的起跌外，也首度披露今年双喜临门——与爱妻Christine闪婚生女“一击即中”的经过，“由拍拖到计划结婚到生BB，系一年左右。”对于公布婚讯后，太太被爆有过一段婚姻及一对仔女，高钧贤直认认识太太时已知，更坦言当后父无困难，“当佢哋系朋友，都系叫佢哋叫返我Matthew！”

去年“男人40”的高钧贤，于12月初突然在网上发布多张婚照及孕照，自爆与年轻10年的圈外女友双喜临门。夫妻俩更早已在加拿大注册结婚，并预告今年1月将首当爸爸。之前高钧贤甚少提及与太太的渊源，原来早于疫情前，二人已因工作认识，“三、四年前我哋只系朋友，因为佢公司有部份生意系护发，佢揾我帮手拍片。当时只系朋友约吓食饭，已知道佢细我10年同有小朋友。最初觉得佢好识关心人，又叻又靓又勇敢追梦同识养生。”他指当年未试过追求离过婚及有小孩的女性，所以未有进一步发展。及至疫情后到内地工作重遇，才发觉太太很适合自己，“各有各生活几年，我亦经历过感情上嘅错摸，先发觉呢啲(结过婚及有小朋友)根本唔系问题，最紧要大家夹，同理解明白我。”

高钧贤直认与太太闪婚，“我哋好犀利，无嘥过任何时间。由拍拖到计划结婚同生BB，系一年左右。”他更没想过夫妻能“一击即中”，“我哋plan就一击即中，因为佢公司做产前产后养生呢行，知点调埋身体。到我5月生日，佢就plan个 trip去马尔代夫，我哋去马尔代夫就系计划去做呢件事。真系好顺利，一个月后就知。当时系觉得开心同几劲，系一击即中！哈！知道自己食嘅保健品好work。”至于高钧贤宣布双喜临门不久，就有酸民爆爱妻是富家女及有过一段婚姻的背景，问圈外人太太有没有受打击，他说：“毕竟佢唔系圈中人，亦系后生女。所以公布𠮶阵，话一定要讲清楚细过我10年，其他都唔太理。当然佢有唔开心，我亦有心痛，所以第一时间企出嚟讲返件事，好过太多猜测。”

谈及4个月大的女儿高子琳，首当爸爸的高钧贤说不停兼笑不拢嘴，至于问及跟太太一对仔女相处及做后父有没有难度，他说：“由头到尾我唔觉得难，因为我加拿大长大，有几个好朋友，佢哋一到weekend就要去stepfather屋企，我反而觉得过程中难嘅系小朋友一方心理调节。我认为大人嘅角色就系要做朋友，我都系叫佢哋叫返我Matthew。同外国人一样，唔需要迫佢哋叫我爹哋。因为佢哋知道自己爹哋系边个，佢哋长大后就会有自己方法处理。”至于夫妻生女后，对于太太的一对仔女会否担心偏心的问题，高钧贤笑说：“大仔比较懂事，而妹妹始终系女仔，会敏感啲。佢而家成日问妈咪，几时帮我改姓高。佢会谂好多嘢，想同我而家个囡囡高子琳close啲，呢啲我完全都唔会夹硬迫。总之我会负责返，点样令大家一齐开心，或者到佢哋大个叫我爸爸，我当然会好高兴。”