Stanley打算组Yum小队攻菲律宾市场 应仲有3年约：公司系避风港
撰文： 邝钰莹
出版：更新：
《Hi MIRO! 见面祭2025》第一回已完成，Stanley 大表哥因而获“菲律宾男友”称号，今午（5日）他出席活动时，笑称可与“菲律宾老公”Lokman组成Yum小队，由中环开始做起。“逢星期日都有商演，再巡埋19区，谂得过，到时我红到菲律宾请你哋食面。”
提到姜涛“仲有3年约”一事，Stanley 直认仲剩3年约，并表示：“签193嘛，唔系咩？（但佢雪藏㖞。）如果佢keep住出粮，我又点会介意呢？其实我而家都无特别去谂，我哋内部冇特别去讨论，都系做好而家工作，考虑因素，我谂都系睇大环境，都要睇当时社会大环境，因为公司绝对系好好嘅避风港，如果出边环境好差，咁我继续喺呢个避风港都唔错啦，都系到时再算，而家真系答你唔到。”大表哥又笑称如果到时“Yum”红了，公司让他掌管菲律宾部门的话，续约成数会大大提高，又话自己要做“菲律宾鲁生”。
近日忙于拍剧的Stanley ，早前突然“放负”，令粉丝们担心，大表哥解释是因为性格问题，不时会有危机以及不安感，随时发作。“无特定一件事影响，望下前景、望下自己可以提供啲咩娱乐畀大家，最惊系慢慢由呢班火车畀人赶落车，成日都会有呢个谂法。”