专访｜AK自爆与花姐抗衡到底　曾太执著团歌不均匀而不快

AK江𤒹生新歌《心死了几百次》道尽爱情中追悔莫及、说得太迟，为了宣传新歌，前阵子仍在参演舞台喜剧《SUCK乐园》的他，利用休息时间，尽情分享过往拍拖时有几“大男人”、工作上如何与花姐抗衡导致“𫇘嘢”，而膊头有花的AK亦首认早年因“团歌歌词分段”过份执著而经常感到不快，但庆幸身边有杨乐文与陈卓贤这两位好兄弟，一直提醒他换另一角度去执著。

自认大男人兼冷战高手

自认是冷战高手的AK，由细到大，无论对家人或伴侣，虽然有错会认，但被骂时从来都不会出半点声。“其实系唔好，有啲咩问题系要及时解决，同屋企人，以前做错嘢佢哋会打我，我系企定定任打，粒声都唔出，有次我爸系‘你做咩唔驳嘴？平时唔系好多嘢讲？’佢哋系想沟通，但我就系唔讲，我系唔钟意解释。”无论是做仔或做男朋友，AK向来都选择报喜不报忧，解决不了的事情只会与兄弟分享，所以过往不时被另一半埋怨。“以前系会觉得讲完你又帮唔到我，仲要唔开心，咁不如同兄弟men talk。都大男人，又唔钟意伴侣著到好性感，食饭会争埋单，去饮宴都唔需要太靓。”AK之后更补充另一半的“正”，只需他本人知道就可以了，听落其实几冧。“去沙滩时我系有话‘不如著件T恤喺外面’佢系无得唔听，不过当呢件事去到最后嗌交时，我就会唔出声，因为道德上我系有啲唔啱。”

与花姐抗衡到底

除了冷战，AK另一强项是“反叛”，那种抗衡心态，无论在爱情或事业上都经常出现，他亦直认与花姐抗衡最多，叫他不要做的，全部都做齐做足。“例如出《特登》时，佢叫我应该要夹band，我系唔夹，吹咩！当然有啲系会𫇘嘢，同佢好阿妈阿仔心态。”AK解释花姐想他在曲风上统一点，让大众先认识，但作为歌手，有solo机会时，什么都想试、什么都想玩。“好包拗颈心态，你唔讲可能好顺利成章咁去做，但你讲完，又觉得可以试下咁，又唔可以话做错，因为 never try never know，但系咪对我最好⋯保持一个未知嘅答案。” 比起“我为你好”，AK更为抗拒听到“不如你试下”，每次这将粒字一出，胜负欲即时被挑起。

越执著越不快乐

MIRROR 队长Lokman早年曾表示因太多压力而无法享受舞台甚至是队长的身份，身为副队长的AK ，在这次访问中，亦松口承认曾因太执著而感到不快乐。“我想团内嘅一啲嘢咁样发生，但都系我想，佢未必系最好，同埋只系我嘅出发点，呢两年慢慢放低执著，就会有‘哦，未必要咁样’，同埋搞掂自己先啦，凭咩去管其他嘢，呢啲其他嘢，等你有能力、有时间再去睇下。”如何将执著放下？除了是成熟了，Lokman与Ian亦功不可没，而比起花姐，两位兄弟的说话亦更易入耳兼无需抗衡。

“Lokman系真系会话我，当然唔系话一次就会听，亦好感谢有个人依然会出声话我，Ian唔系同我讲好多嘢，但有时要出声都会照开口。” AK说自己执著的，很多与自身无直接关系。“我开头会对队内团歌歌词分段好执著，我提出系因为见到好似有问题⋯⋯但系，𠮶个都系自己嘅一个执著，有时啲嘢你搞好自己先啦，点解要去处理一啲未必完全关你事，同你控制唔到嘅嘢。但𠮶时我世界观系觉得有问题嘛，所以执著喺我觉得，要公平，所以提出，但系⋯⋯当你摆低执著后去睇，问题可能仲存在，只不过执著解决唔到问题，就要揾路去转。” MIRROR早年每次推出团歌时，都总会有“solo歌词上分配不均”的声音，身为副队长，路只得一条，到“大家都见到我唔开心 ”再到Lokman、Ian劝说可以向左走、向右走，AK终于明白没有所谓的公平或对错，成长了学会妥协，在灰色空间游走。“可能见识多咗，去到呢个阶段可能都会有唔开心，但可能感觉已经无咁重，总之唔好用之前方式去处理。”

化妆: Annie G. Chan

服饰 : ITHK / Ami Paris / N Hoolywood

眼镜 : Rayban

首饰 : Maple Sliver

鞋履 : Clarks

场地：BLACKROOM @blackroomhk