吴雨霏解答全面复出可能性　点名想同呢位28岁小天王合作

吴雨霏（Kary）婚后淡出幕前，相夫教子，但近月动作频频，继早前与Cookies成员现身邓丽欣演唱会后，日前再为郑秀文澳门骚担任嘉宾，状态令人关注会否正式复出。今日（28日）Kary出席珠宝活动，虽然声线仍然沙哑未完全康复，但她笑言非常感激Sammi邀请：“真系几好玩，好耐都冇试过一个人唱歌！但要打开声针唱歌，多谢观众同我一齐唱，亦都仲记得我啲歌。”

育有三名子女的Kary坦言近年专注家庭生活，非常享受凑仔：“其实我真系钟意凑仔，不过有时都会闷，成日喺屋企同小朋友讲嘢，我都会同老公讲，我想同大人讲返啲嘢！”现阶段她强调复出需要周详计划，表示：“唔可以讲话全面复出，而系要睇到边个合作配合到我时间，我要两边都兼顾到。”

她透露收过不少合作邀请，包括唱歌及其他领域嘅发展：“以前我一直都签唱片公司，而家自由身反而可以谂清楚啲，有啲唔同嘅可能性。除咗唱歌，仲要有配合到嘅嘢先可以行落去。”至于有冇想过复出前先热身，于网上开Live，她笑言：“惊开咗大家又叫我出歌，压力太大喇！”被问到合作对象，Kary点名欣赏曾与好姊妹Stephy合作的MC张天赋：“我几钟意MC，佢唱得好好，如果真系有机会合唱，唔知我哋把声夹唔夹？”

谈到早前Cookies重聚，Kary表示珍惜当晚时光，不知道会否有下次，但相信上次“合体”已带给大家很好的回忆。”对于将来再合体开骚，Kary没有信心能成事：“如果队长都吹唔齐人，我都唔敢谂。”Kary更自爆当晚未有出席庆功：“我系唯一冇去𠮶个！因为我要早瞓早起，6点送小朋友返学，真系唔得闲夜蒲。”