吴若希自爆曾被靓女邀玩3P一原因唔敢应约　疏远对方还有后续

吴若希（Jinny）昨晚（27 日）在有份主持的TVB Plus节目《奇情谷》，自爆十多年前曾被邀玩 3P 的经过。她透露有位女友人，经常四出猎艳，她说：“成日周围 flirt 仔，好姣斯趸笃，仲问我有无兴趣一齐‘wasabi’,即系玩 3P。”

开放程度吓到两位男谷主火火和曾展望（GM）惊呼，吴若希接着说：“Wasabi 咁刺激?咁刺激搞唔掂㖞，自此之后同呢𠮶女仔疏远咗。𠮶女仔系靓嘅，有一日我一位男仔老 best 竟然同我讲，佢同个女仔拍紧拖。”吴若希表示当时有点愕然，因为该老 best 其实知道对方的过往，包括邀玩 3P 的旧事在内，她无奈说：“呢个女仔情史非常多，曾经搞过人哋老公，同好多男士有一手，但我作为男仔老 best，佢既然选择同个女仔一齐，我都要祝福佢，希望佢哋真爱，𠮶女仔会改。”

最后事与愿违，吴若希继续爆料：“有一日另一位男友人忽然问我‘喂，你老 best 系咪同个女仔散咗喇’，原来佢见到个女仔饮住酒坐另一个男人大髀，呢件事我选择唔同老 best 讲。”直到二人分手，吴若希才旧事重提，但老 best 的反应冷淡：“佢竟然同我讲‘唔系呀,我信佢㗎’，佢嘅理由系个女仔有将其他男人嘅短讯畀佢睇。”令吴若希大呼无奈。

昨晚主题为“身边总有一个恋爱脑”,“花生 Girls”吴文懿（Kate）坐上“Comfort Zone”，谈到跟第二任男友的故事。Kate 直言欣赏对方才华，她说：“佢会带我去沙滩唱自己写嘅歌，又会分享情史.....”火火闻言即场打断说：“对唔住，我系情场老手，等我话你听，只要个男仔同一个识唔系好耐女仔，分享自己情史，100%渣男、骗徒。”接住Kate 描述对方追女仔的手法，完全印证火火所讲。Kate 又为圆男友当歌手的梦想，不时为对方课金，她说：“学跳舞、唱歌,打扮又要钱呀。佢畀我个画面好靓，讲到如果上颁奖台，一定会讲你个名。”Kate 表示对男友毫不吝啬，眼中只有对方。最癫是男友跟 Kate 借了 1.8 万元，跟前女友到日本旅行，还理直气壮跟 Kate 说：“你知道呀咁又点吖。”

Kate 勇敢站出来表白，为她赢得大量网民支持，有留言表示：“KK 你系超级靓女,努力加油”、“KK 值得更好”、“你是最好的”,有网友提议“GM 追 KK”、“供条仔个样出来”以儆效尤。