VIVA激赞MV导演Tiger@MIRROR暖男 Carina食物中毒拍到晕低
撰文： 邓颖琪
出版：更新：
女团VIVA今日（27日）推出新歌《不够浪漫的我们》，一改以往跳唱风格，首次挑战抒情慢歌，而且更是向队友的表白之歌。歌曲由资深音乐人KW朱敏希作曲，王乐仪填词，歌词“就算不够优秀都想与你学挨义气”道出四女这一年来的深厚感情。另外亦邀请了Seatravel和黄兆铭编曲、陈考威监制，调和感情和声线令歌曲更有穿透力，希望听众感受到VIVA的真挚。
成军短短一年，Ada、Carina、Macy跟VALC由原本不太熟悉，到现在感情大跃进。一年过去，见证队员之间的改变，Carina说：“可能一开始我嘅voice会好明显，之后会慢慢就会shift，可能系Ada、然后Macy。喺我哋住宿舍𠮶排，feel到Macy突然间好妈妈feel。近期开始觉得VALC对我哋好奇心大咗，因为最近佢会成日都问我哋：‘呀！你讲咗啲咩啊？咩事呀？’呢个都系我哋行close咗嘅证明。”
今次MV特别邀请Tiger@MIRROR执导，VIVA对这位“暖男导演”赞不绝口，“佢系一个好warm同埋好有热诚嘅人，佢好细心，有种好暖男嘅感觉，佢唔系𠮶啲会一嚟就好多嘢讲，但佢系𠮶种喺背后做好多嘢嘅人。佢听晒我哋啲啰嗦意见，仲要整合得好好！唔会限死我哋，俾好大空间我哋发挥。”
MV以啦啦队为主题，一开始是Macy于队中出现，然后Ada、Carina及VALC才加入，就如现实生活中，四人成军的过程一样。不过最令人难忘嘅系Carina拍摄期间突然晕低！Carina表示拍MV前两日食物中毒，不停呕吐，拍摄当日在沙滩跑了几转后便晕倒。VALC边说边笑：“跟住有个scene我哋系要扮倾偈，见到佢只眼慢慢开始闩埋，哈哈。”Carina接着说：“其实我望住佢哋嘅时候，佢哋已经系慢慢变成白色，我系死顶撑大对眼，但其实系乜都望唔到，唔知道发生咩事。”