COLLAR以为去度假｜Ivy被网民吓到唔再贴泳照　Day再向张家朗挑机

女团COLLAR今日现身最新团综《COLLAR以为去度假》记者会，活动上七位成员除了玩射箭小游戏，又轮流“放飞机”，每人飞出两只亲笔签名纸飞机给Fans，但乌龙百出，芯駖将飞机飞返上台，Marf更误将飞机击中在场记者脸上，场面搞笑。

按图睇COLLAR“放飞机”虾碌照：

讲到今次节目原本是骗COLLAR去度假，最终七位原来被“卖猪仔”，要接受特训，COLLAR受访时，陈泳伽Winka及李芯駖原来是最天真成员，事情竟毫无怀疑，Winka笑说：“呢个就系点解个片尾我喊得咁惨，我真心以为公司觉得我哋呢两三年都攰啦，真系俾我哋唞吓，可能都有啲Mission会做，但系会唔会系去按下摩呀、食吓啲好嘢呀。”Ivy即回应：“边个睇吖呢啲，边有收视率吖！”她透露今次拍摄共11日，节目组只得3日有畀时间表，她一早已知有诈，而许轶Day就说：“我有追问我哋经理人，到底我哋听日嘅schedule系咩、后日嘅schedule系咩，跟住佢都唔覆我！𠮶下我就觉得好古怪，跟住我将我毕生之宝，可以即时用嘅嘢都即刻拎返出嚟，𠮶啲即弃牙刷，即刻喺酒店囤定一啲。”

今次节目COLLAR因意见不合差点闹大交，沈贞巧（Gao）坦言已混乱到不知是谁先出口，芯駖剧透指当时大家因信任而互相猜度；节目预告中讲到七位是“公主”，问到谁人公主病最严重，COLLAR竟个个争住认公主癌，Day说：“我都公主癌，我记得我长期戴住顶帽，因为好惊晒黑，长期戴住渔夫帽同埋笠实晒成个身。”Gao则谓：“我知道系咩公主啦，我惊重𠮶啲公主癌，但系我觉得去完之后真系冇咁惊虫。”芯駖自爆畏高、Ivy自封为“睡公主”、Winka表示自己是专破坏规矩的公主，至于王家晴Candy则说：“我系……仆亲公主，容易受伤的女人，因为我唔知点解𠮶几日又瘀、又流血，落水有𠮶啲玻璃纤维，成只脚都系世界地图咁。”

讲到上周播完的剧集《哪一天我们会红》大获好评，主演的Day感谢大家喜欢角色，而在庆功上邱彦筒Marf因见到节目初段的蛋糕重现而感动爆喊，坦言很难得遇到这么善良的团队，网民扬言要将剧集推上Netflix，Marf说：“咁就梗系好啦！同埋希望我哋有更加多资源做第二季！（想有第二季？）我想啊，希望公司做多啲唔同节目俾我哋剧组。（剧入面好多金句，你话ViuTV冇乜Budget）Michelle（角色）讲㗎咋，ViuTV好多budget！”剧中有一幕讲Day饰演的Anna向剑神张家朗挑机“激光剑”，而现实中亦获张家朗回复，指自己不会认输，有机会可以比试，他当时说：“应该都唔会输啩，我始终都系一个剑击运动员。”但如果要比唱歌跳舞，张家朗就一秒落闸称：“冇可能！”Day得悉对方回应后，感谢网民和张家朗肯投入剧集，抛出志气Bite：“激光剑系Anna嘅‘长’项，唔知系咪你嘅‘长’项！”

Ivy日前贴出去小琉球的侧身泳照，令网民非常激动兴奋，不过她指被大家吓亲，很怕丑，原来谂住再Post更多相都不敢。而讲到她戴洪嘉豪的“小洪帽”去睇绯闻对象洪嘉豪演唱会，又被网民P图，她无奈表示帽是193送的，又说：“唔好乱咁P图啦，假新闻系一个好坏嘅行为嚟㗎，我哋同《Last seen》一齐去嘅，希望迟啲《Last seen》都可以有舞台剧。（好愕然见到大家P图？）因为系人哋send畀我，我觉得好奇怪，不过算啦大家都知。（觉唔觉得网民一厢情愿认为你哋一对）咁系佢哋嘅自由啦，我都解释过就唔讲咁多。”

早前刚完成《你好，打劫》舞台剧的芯駖，自言精神好好，因为之前哭了很多场，每场都喊到声嘶力竭，但被麦沛东打足十几巴的她自爆块面瘦咗，又说：“我谂如果计埋我哋Rehearsal，冚咗二、三十巴，麦东话佢好惊，叫我千祈唔好郁，佢睇咗个位打得好准，每一次打完发觉真系瘦咗，可能通咗啲淋巴，我每次打完都喺出面敷一两分钟冰袋先返入嚟，其实冇乜好肿，但系只眼真系喊到肿。”