YouTuber大J掷30万美金美国找代母产子　引发道德争议

百万网红大J（Jason）与日籍太太Mai于2020年结婚后移居日本，二人一直好想生小朋友，试过中医调理、针灸暖宫等，甚至进行6次试管婴儿，可惜仍落空。日前，大J拍片公开到美国找代母产子的计划，由于太太不想再次经历做IVF（人工受孕）流产的痛苦，并希望提高成功率，故决定不用自己的卵子；而大J 亦已到台湾的IVF诊所检查及留存精子，然后再将样本运送至美国进行代孕，若一切顺利，将于明年1月赴美接BB，认为：“每个人都会有自己想法，我不强求别人认同我们的决定。”

大J透露过去进行试管婴儿，合共花费约150万港元，当中亦曾见到一线曙光，他说：“成功床咗个胚胎，我收到诊所电话，话恭喜我哋，完全睇到系怀孕成功。我揸紧车开心到喊咗出嚟，非常非常之开心，可惜𠮶个开心维持咗好短嘅时间。个胚胎之后冇再发展落去，太太需要做人工流产。”

影片中，大J上载了很多太太躺在病床上的相片，他亦明白太太每次人工受孕的过程非常辛苦，需要取卵、打好多针，大J的肚皮亦打到大片瘀黑色。最后二人决定找代母，他说：“其实成功率应该系有九成以上，但我哋都失败咗6次咁多。有可能系我嘅精子问题，可能系我太太卵子嘅问题，亦都可能系个子宫里边有问题。最后为咗提高成功率，我太太决定唔用自己嘅卵子，佢就用亚洲年轻女性捐赠嘅卵子做代母计划。”

大J强调他和太太都认为小朋友跟他们有否血缘关系并非重点，对于观众一定提问“点解唔去领养？”，大J解释：“大家要知道我唔系日本人，我而家住喺日本，我要领养一个小朋友，喺呢度系极之、极之困难，甚至乎可以话接近冇可能。”另外，采用代母的道德问题亦备受争议，大J认为：““话我哋去揾代母系好残忍嘅事，美国系合法，我唔系去啲第三世界国家揾一啲好惨嘅人。呢个世界上，有好多嘢喺有啲地方就合法，有啲地方就系唔合法，咁我选择去一个完全合法嘅地方去做。”他坦言曾考虑在俄罗斯、乌克兰或乔治亚等地寻找代母产子，但因俄乌战争以及乔治亚的法律限制，最终选择费用更高的美国，所有配套及花费，需要25至30万美元。而目前在香港找代母产子则属违法。