陈嘉倩公开婚讯后首现身 原来去年已成为人妻
撰文： 洪晓璇
出版：更新：
女神结婚了﹗一向系男士心目中女神嘅前新闻主播陈嘉倩最近宣布封盘，仲同日籍老公TOMO影咗一辑婚照，身披婚纱嘅女神流露幸福嘅神情。由于佢穿和服时以手按肚，因而传出双喜临门已有身孕。刚荣陛日本人妻嘅嘉倩为HOY TV拍摄节目《一刻．时光》，梗系要分享吓喜讯啦，嘉倩就话旧年已在日本举行简单的婚宴，并邀请了好友去当地，今个月都会喺香港同屋企人食饭，因为同老公都唔系铺张嘅人，都唔会大排筵席，又否认有孕嘅传闻。
呢日嘉倩为拍摄节目《一刻．时光》第二辑，去到西营盘走访溏心皮蛋大王，穿著背心牛仔短裙嘅嘉倩脚踏三吋高踭鞋，令有孕传闻不攻自破。佢大方地回应道：“我帮hoy拍呢个节目,仲有打拳环节，拍节目仲穿高踭鞋，相信大家都唔驶再问我啦。”嘉倩与老公TOMO结缘于舞蹈学校，对方是她的老师，佢又大赞老公十分浪漫，于花火祭时在沙滩求婚，令佢都十分难忘，更希望今年再次往花火祭重温喜悦嘅一刻。问到婚后是否定居日本，佢就话未决定：“始终之前倾好咗嘅工作都要履行，不过话晒系新婚，所以应该都会放多啲时间喺当地。”仲因为同老公同日文沟通多咗，自己嘅日文都突飞猛进。
今次佢拍摄hoy节目《一刻．时光》，除了专访溏心皮蛋大王外，又会往传统医馆等唔同嘅地方：“今次系节目嘅第二季，我嘅参与度会好高，节目组都好好，会听取我嘅意见啊。”