丁子朗新剧造型获大赞　成功摆脱油腻感：一早用呢个选秀就ok啦

丁子朗昨日（16日）出席TVB在会展举办的《2025 TVB年中节目巡礼》，同场亦有很多艺人出席，丁子朗以一身黑色Deep V西装现身，既醒神又型仔！最近丁子朗有份出演的剧集《执法者们》在内地正在热播，而他在剧中的造型更获网民大赞“清爽唔油腻”，瞬间获得不少粉丝支持。

丁子朗接受《香港01》访问时表示拍摄《执法者们》是印象最深刻的一部剧集，因为是拍得最辛苦，他们更远赴青岛钻油台进行拍摄工作。提及造型获大赞，丁子朗也有看评语：“好多网民都喺度话，丁子朗嘅造型应该一早就系咁啦！因为啲人话如果我一早用呢个造型出道嘅话，应该选咗秀就ok㗎啦，唔使等咁耐咁样。”

被问到那么多人喜欢会否再次以该造型出现时，丁子朗表示有想过：“我自己其实钟意短头发清爽啲开心啲，但系大家都话呢个头发好好睇㖞，跟住我谂紧，可能真系要留返长少少头发。”可以说是徇众要求，因为网民都很喜欢他的造型，但其实当时弄这个造型时，他自己是很不喜欢的：“因为我觉得啲头发喺前面好嬲幽同埋好热啊，但系结果证明佢哋系啱我系错㗎！”他表示之后会多点听取大家的意见去改变自己的造型。

至于“油腻感减少”方面，丁子朗就指其他造型都有帮助不少，更要有好的对手，就好像黄宗泽：“其实有佢喺度嘅时候，佢好多时候会带你点做，有阵时剧本佢赋予我哋嘅对白、角色系咁多嘅啫，加上演员嘅创作呢，其实可以将件事再升华到另一个层次。”他表示黄宗泽每一场都捉得好细致，在每一场戏都可以令角色更出众，而黄宗泽不止是想自己，也为丁子朗想好了，丁子朗亦直言获益良多：“一齐拍咗几套剧，系绝对有收获！”

不少网民都在讨论丁子朗为何会上了钻油台，他透露其实是为了救黄宗泽，他表示在钻油台拍摄时有一幕很深刻：“我喺钻油台个海中心𠮶度钓我出去，用wire掟我出个海𠮶度，我一条wire绳喺个公海𠮶度掟我落去，跟住差唔多跌到海面先捞返起我，𠮶一场动作深刻嘅真系我呢一世都唔会忘记。”丁子朗指当时的高度有天台那么高，他坦言有与死神擦身而过的感觉。丁子朗愈说愈起劲，更说到当时在钻油台拍摄的不少趣事，他笑指是“好好嘅经验，呢一个可以开个特辑”。除了趣事之外，亦有不少辛酸，丁子朗提到在钻油台上面拍摄都很辛苦，因为每天11点后就有断水断电，但就让大家变得更熟悉：“因为夜晚又拍唔到啦，又冻又冇电又冇水，所以真系大家又咁样迫咗啲感情出嚟。”

丁子朗除了大赞伙拍黄宗泽会有很多收获外，连肚子都有收获，他表示有一晚厨房坏了，他们在钻油台上要吃罐头跟饼干，而黄宗泽则带了鲍鱼罐头上去：“虽然啲罐头鲍鱼系真系一罐又好细粒𠮶啲，但系𠮶个感觉系，哗！我喺一个咁嘅地方人在异乡，喺一个公海入面一个钻油台乜都冇嘅地方，有一个鲍鱼食，𠮶个感觉真系毕生难忘！”

除了这个毕生难忘的感觉外，丁子朗更表示在钻油台拍摄有很多限制，连安全上岸时间都只有两小时，因为要把握潮涨潮退的时间。他大爆有次剧组看潮退时间只是过了15分钟就想一搏开船出去，结果是：“佢哋架船stay咗喺海中心，个钻油台同埋个岸中间，喺架船入面stay咗一晚，因为走唔到。”除了这个限制外，天气亦是一个大问题，他们拍摄当时需要日晒雨淋，而且温差很大，早上是三十几度，晚上就跌至几度，难怪他表示这部剧是他拍过最难忘的一部。