Tyson Yoshi爆林家谦签英皇后乱讲嘢　预告吊颈佬写新歌劲感人

Tyson Yoshi 今日出席学院课程资讯日，以“准面试生”身份担任开幕典礼嘉宾，并即场接受入学试考核，不过面对一班老师与校长时，Tyson明显地慬慎，十分好笑。 席上，Tyson又表示会迫自己每日花小时睇haters留言，“当做gym咁，迫到对呢啲嘢冇反应。” 他接受访问时，表示如今十分佛系，唯一会令自己动肝火是乱cut线的人，他又将“冷静下要打X机”金句改成“打家谦”，提到家谦早前表示已签他为旗下歌手，他即说：“佢自从入咗英皇后乱讲嘢，我怀疑TLP系英皇旗下一间公司，（英皇想签你的话 ，点算？）我唔使啦，我呢啲九唔搭八嘅人，喺返九唔搭八公司就得。”

提到7月在启德综艺馆开骚，Tyson表示曾在飞机上回看自己的演出，自觉太长气，问到连坐飞机都要睇自己演出，Tyson即笑笑口解释：“做功课啫。（你一日24小时唔系睇自己就睇留言？）呢排出歌系，睇23小时。”问到是否包括与张敬轩完成录音后，泪洒录音室，Tyson即以“6＋1”形容该影片，所以尽量少睇，他又解释因为张敬轩真是由细睇到大的人，但当在录音室听到对方声音时，对他一个在睡房整歌的人来说，是何其福份。Tyson又透露7月完成个唱后，会接力完成婚礼，提到早前与Christy过大礼时，金器十分夸张，他说：“咁我都有努力，唔系天跌落嚟，一阵又插我二世祖。”

而日前在Dear Jane演唱会上的Kiss Cam，Tyson表示曾有一秒打算锡Jeffrey，但对方灵活地闪走。“佢条颈可能开几吋后灵活咗，个range阔咗。讲起吊颈佬我寻日已经帮佢写晒首歌，叫佢上嚟听，几满意，我啲字写到好感性，无吊颈佬三只字。我好少写歌畀人，写亲都系friend。”Tyson又表示想试更多幕后工作，但要由朋友入手，因为贱嘴能令题材更广。