皮纹分析师陈嘉桓宣布封胸谢绝性感上节目玩游戏：而家身份唔同

陈嘉桓（Rose）今日（16/5）现身中环出席著名名珠宝品牌活动。Rose接受《香港01》访问时透露，近年因忙于开班教学皮纹分析，令身形呈现“幸福肥”：“因为近年忙于教学，变咗有人揾我出席幕前嘅工作，我都揾唔到时间去，咁所以你见我冇乜特别去keep，而家我系自然嘅状态。”

谈及幕前工作，陈嘉桓表示：“自己其实都好想继续参与，认为幕前嘅工作多姿多彩又多元化，变咗自己喺教学上都想了解多啲依家会兴啲乜嘢。”至于是否会亮相综艺节目大玩游戏，陈嘉桓坦言因为现时身分是皮纹分析师，教学对象多为小朋友及家长，涵盖男女老少，“要太性感就唔得啦，始终都要顾及自己个身份。”她反而认为自己比较适合参与饮食节目。