冼靖峰生日唔介意“工作行先”　黄奕斌笑指一齐表演定要挑战难度

“宝藏歌手”冼靖峰与好友黄奕斌昨日（15日）出席TVB万众同心公益金综艺大汇演录影，同日亦是他的27岁正日生日，冼靖峰接受《香港01》访问时被问到生日正日要工作不能去庆祝是否失望时，成熟的他即表示“工作行先”：“玩呀几时有得玩，但系做嘢呢啲机会，真系珍惜每一个工作嘅机会。”

冼靖峰坦言每次与黄奕斌表演都有难度，还一定关跳舞事，黄奕斌表示今次除了跳舞，还要一起做一件事：“佢今次要舞埋狮添，我地一齐要舞狮。佢真系落咗好多力去学𠮶啲step，同埋自己都好希望唔好记错，佢啱啱都一直keep住，左边右边系度记。”跳舞是弱项的冼靖峰则表示今次用了不同的方法去记舞步：“因为有啲tricky嘅我觉得今次，好容易做mixup嘅。”对于又要跳舞又要舞狮，他们表示“两样都唔容易”，但两个项目要同时进行就更加难。

黄奕斌最近正在忙打篮球比赛，他更指最近刚刚完成“无线杯”：“跟住我哋而家系打紧系四强战，嚟紧可能争季军。”冼靖峰表示自己有听过一个传闻“如果𠮶日Aska缺席呢，不如𠮶日唔好开战住”。黄奕斌即称“唔会嘅，我相信我嘅队员！”

冼靖峰被问到好友李金凯于《中年好声音3》决赛中失落奖项，他有否关心一下好友时，他表示知道李金凯当日身体状态并不是太好：“因为我同佢讲加油嘅时候，佢都话尽做啦今日，咁我都明白因为压力大之余，其实身体嘅状况都好影响performance。咁𠮶日我都系现场睇，佢的确系未发挥到佢100%嘅水准，咁但系我觉得佢好enjoy个stage，咁就已经够嘅其实。”冼靖峰更指李金凯是一个很正面的人，觉得他不会因为失落三甲而不开心。

冼靖峰与黄奕斌下星期于内地将会有演唱会，现在的进度就在处理他们的歌单：“呢个最紧要，我觉得歌始终喺演唱会系最main嘅一环。（两位有冇准备啲特别啲嘢畀观众？）向歌𠮶方面谂谂，其实一定系唱一啲除咗自己作品之外，就系唱一啲我哋观众可能未听过我哋唱嘅啲歌。”至于有什么惊喜就要到时看三人能擦出什么火花。