MIRROR夜粥组落油尖旺宣传　AK妙论3年约 ：诚意系好需要成本

男团MIRROR夜粥小组今日（12日）落区宣传下月演唱会，由旺角坐开篷巴士到尖沙咀，AK、Lokman、Alton、Frankie沿路拿著高峰咪与路人、游人宣传明天公售，时而做交通指挥，十分好笑。4子接受访问时，坦表示第一次以这种方式宣传，十分新鲜，如票房理想，随时会encore 。

Lokman、Alton与Dee经营的泰式餐厅早前结业，Lokman表示：“经一事长一智，所有嘢都系学习同经历，睇吓你有几多成本去上几多堂，嚟紧成本开始无咩，储多啲再去睇下唔同经历。（今次入骨定入血？入心。”Alton 认为如今不少饮食业都面对困境，而他们因为是公众人物所以被放大讨论，决定结业时没有挣扎，反而感到可惜，因为不少人对餐厅都有不同的回忆。

而对于姜涛早前在小组团综口快快爆出剩返三年约，AK表示：“份份约都有期限，实际数字系几多我哋就唔讲。到时候真系会，大家都一定会知道，我哋唔会秘密地解散，到时MIRROR有啲咩去向，一定会同大家讲。”Lokman 又话无论三年或三十年，人总需要勇敢生存，路一定要走。AK即谓如何走下去就要看诚意。“而诚意系好需要成本，顾住同员工嘅一个协调。（咁公司过去诚意如何？）当天我只是一个黄毛小子，𠮶时嘅概念⋯同埋物价会升值，唔可以用𠮶时时间、感情去计。我哋未倾到去呢个圈，所以不能奉告、而定只系专心演唱会。”