58岁陈丽丽心痛BB遭恶毒诅咒　两度流产存阴影：忧心佢唔长大

黄泽锋与太太陈丽丽（Lillian）“爱的续约”成功，早前宣布将再做父母，为爱女“小黄妃”黄熙恩增添一位妹妹，预产期是今年9月。以58岁超高龄再度怀孕，陈丽丽今胎确实得来不易，先后两度流产，身心伤痛难以言喻，还要面对网民毒舌。为保腹中5个月大胎儿，要每日打安胎针，打足半年针孔已遍布肚皮，但为母则强，陈丽丽表示不怕辛苦：“系忧心佢唔长大，经历过BB冇心跳，成日担心。”
一家人最重要一条心，黄泽锋这位神队友成为家庭最强后盾，一星期做足七日，赚钱、煮饭、洗碗一脚踢，扬言养四、五个“湿湿碎”。而小黄妃亦在母亲节许了一个小小愿望：“希望BB可以健康、可以快高长大，出世可以健健康康、平平安安。”

相关新闻：黄泽锋被闹自私老婆代解画　撑起头家无压力：养多四五个都湿湿碎

黄泽锋与太太陈丽丽因泰拳结缘，拍拖半年于2010年结婚，婚后一直不设防渴望生小朋友，但等了又等，等足9年才成功追B。6年前，陈丽丽以52岁超高龄诞下女儿黄熙恩，当时因血压急升突患妊娠毒血症，有中风之危，产后需送入ICU观察，幸好两母女最后有惊无险出院。今次再度怀孕，夫妇二人表示已做好风险评估，陈丽丽说：“因为有前科，我哋相信医学昌明，调理方面做好咗准备，反而今次陀嘅感觉冇上次咁辛苦。”

想为小黄妃添弟妹

生完小黄妃后，俩夫妇一直有计划生多一个，最大动力就是女儿。陈丽丽表示见过女儿“自言自语，自己跟自己玩”，黄泽锋说：“佢返幼稚园好多同学都有弟妹，佢有时一个人，我哋觉得佢有少少闷，我有尽量同佢玩，但我童年有哥哥家姐，我觉得会好啲”。

自然怀孕胎儿12周停心跳：最伤心

去年初，陈丽丽试过自然怀孕，可惜胎儿于12周时停止心跳救不回，作为妈妈自然是最伤心难过，“因为系我自己有BB，个胎由有心跳慢慢冇心跳，𠮶吓我最伤心，冇谂过......医生有简短讲个故事，学术性我唔识，话人年纪越大身体抗体越强，因为你对抗外来嘢，新生命属于外来品，咁佢会同佢打仗，会打死佢，有机会系你自己打死咗，所以会怪自己太强。”当时陈丽丽仍有教小朋友泰拳，疑操劳过度，上堂期间突然发觉身体不适，即到医院抢救，她续说：“M到咁样，始终有生命，即打俾自己医生，佢话‘同你打支针先啦’𠮶时我都唔知道保唔保得住，同我几次打针，脉膊一路跌，直至冇咗，有少少怪责自己。”

向女儿交代小产难以启齿

忍痛流产身心已承受极大痛楚，还要向女儿小黄妃交代。“因为之前同佢讲过，冇咗冇同佢讲，但佢仲会摸住你个肚话‘乖呀，家姐同你玩’见到时会好伤心，始终要同佢讲，依家变咗肚腩嚟咋㖞。”黄泽锋和太太终于找机会开了一个“家庭会议”，当小黄妃得知“BB走了”即大反应高八度问：“点解呀？”陈丽丽解释：“我话BB病咗上天堂，嫲嫲都上天堂嘅，人间任务完咗就上天堂享福啰。妈妈身体唔好要医病，所以BB暂时唔可以喺我身体住，但佢就成日问几时先可以再见到BB，几时医返好你个病。而我之前有同佢讲过呢个秘密唔可以话俾人听，人哋知BB唔钟意就嬲会走。”

小黄妃听罢拿着毛巾一边拭泪一边说：“但我同同学讲过，同好朋友讲过一次，同埋可能我平时真系唔乖....。”结果伤心了一星期，最后黄泽锋和太太商量过后，接受医生建议花近20万到台湾进行人工受孕，但亦非一次便成功。陈丽丽透露去年底第一次做人工受孕，因为陀不稳要做引产，更难忘小产的痛苦经历：“喺浴缸一日一夜，屙足4公升血！”

点击睇更多“小黄妃”黄熙恩成长片段：

每日打针保胎令全肚瘀青色

一年内，两度流产，陈丽丽终于在第二次人工受孕时成功了，如今已怀有5个月身孕，但仍要每日打针保胎，“啲针其实系提供养份俾BB，因为惊我有血栓，我有血压高好容易有血栓，如果我俾唔到营养佢会越来越弱，自己会收缩，所以我要不停打针令佢畅通无阻。”她透露由准备怀孕期已经要开始每日打针，至今已超过半年，肚皮针孔逾百粒，“每日自己打，其实内地好普偏，有啲两、三支咁打，我呢啲皮毛嚟。每日自己打，一开始唔识打就全部都黑色，因为喺肚围住，黑色系浮上嚟嘅瘀青，掂落去都痛。后来上网Check学点打，依家个肚靓返啲。”

大大只的黄泽锋原来好怕打针，被太太形容打一拳没事，但打一针见晕，泽锋亦赞太太好伟大：“佢伟大到咩程呢，佢系等到我哋瞓晒先打针，因为费事我哋睇到呀！”他们亦会接纳医生建议不选择自然分娩，因为陈丽丽很大机会和上次生小黄妃一样出现妊娠毒血症，故待周数足便会剖腹产女。

望太太保持心境平静删最毒留言

而面对网民各种嘲笑、指骂及诅咒，黄泽锋坦言太太陀妃妃时一度不开心而影响情绪，曾删除部份留言，但现在两人已看化，并能一笑置之。 陈丽丽说：“最过份系话送终，未出世已经话送终，陀妃妃时又话鬼唔望佢有唐氏综合症、唔健全嘅，听到梗系唔开心。我好老生，但唔代表要好早拉佢走㗎嘛，6年前讲呢啲说话，6年后又讲呢啲说话好冇新意，我哋就当俾机会佢哋发泄舒缓吓情绪，当做件好事。”

场地提供：Chef’s Stage Kitchen（元朗）