中年好声音3｜张与辰失手？ 张佳添揭三大问题：烂船都有三斤钉
撰文： 林迅景
出版：更新：
《中年好声音3》今日（04/5）一集的主题是经典老歌。张与辰演唱《爱，很简单》，虽然好听归好听，但似乎未达评审的高要求，“只”获92分。以“大魔王”张与辰来说，可说是失准。
王馨平：“正如你所讲爱很简单，但系唱起来一啲都唔简单。尤其开头要好平淡，但系平淡下面要有好多工夫，不过你后面有加强咗，show咗你靓声部分。唔好咁紧张，你得嘅。”
肥妈：“你要记住，今日唔系真假音嘅运用，而系你嘅感情。技巧几叻都冇得倾，因为我哋系讲感情嘅投入。好彩今日有人同我同分，有同感。我哋啲女人感情系多啲。”
张佳添：“今日92分唔系一个特别高嘅分数，第一，你一开始搞乜嘢婚礼，叮叮当当，𠮶啲其实唔使。你只要用个好纯粹，好真挚嘅感觉去做呢首歌就已经够，因为呢首歌已经好甜蜜。你再唱落去嘅时候，去到副歌你唔记得咗做层次感。‘I Love You’太平淡，同埋你今日唱嘅假音唔系最靓嘅假音。到最后利用技巧去提升，但系多咗技巧少咗感情。当然啦，张与辰㖞，烂船都有三斤钉。但系如果，头先啲嘢你全部做啱晒，分分钟有96，97分。”