Rover透露暑假将出国拍团综　过咗新人年都继续以新人心态去做

乐队Rover昨日（3日）出席尖沙咀一商场举办的《Magic Hour Live House 音乐会》，唱完5首歌后他们觉得不够喉，encore完一次又一次，最后足足encore了两次才结束音乐会。Rover接受《香港01》访问时表示很兴奋兼笑指自己任性，因为是第一次encore，之前的表演从未试过即兴encore，但亦害怕自己的任性而导致超时影响主办方。

即兴encore的他们更表示之前“冇夹定”，成员雷濠权（Jason）坦言：“我哋喺度即场揾歌！”陈镇亨（亨仔）则笑指：“差啲唔够歌玩！好彩够，有练习！”玩得兴起时，卓金乐（Kim）、王希晋（希晋）及亨仔三人都下台与粉丝一起玩，只剩下Jason继续在台上，Jason说已经习惯了孤独：“都惯㗎啦，但系呢个系我哋嘅表演形式嚟嘅，咁我又唔会话佢哋个个走开晒，唔理我咁样。”

Rover今年已经不再是新人，被问到今年有什么计划时，Kim表示仍然会以新人的心态：“始终都系一个新人嘅心态，我觉得心态好紧要！我觉得以一个新人嘅心态去做多啲唔同嘅嘢！”Rover更指即将会拍摄团综，Jason大爆会在暑假期间拍摄：“听讲呢就会去外地，但系唔知喺边度！我哋系应该到时先会知嘅，非常之期待。”希晋则说：“今次嘅团综形式听讲系斋玩嘅！”但就被疑心重的亨仔反问：“你肯定去玩啊？”至于会去哪里，他们几人就说不肯定最后真的会去哪里。

Kim指虽然已经不是新人但仍然会用新人心态继续走下去，被问到大家会否对他们严厉点时，希晋表示不止其他人，连他们自己都对自己严厉：“我哋自己四个都对自己harsh咗，因为觉得过咗新人年之后，唔可以再有新人𠮶个标签喺度，即系已经系大家都会将个标准提高咗对我哋，所以我觉得我哋一定要自己鞭策咗自己先。”亨仔觉得：“我哋做自己认为啱嘅嘢，同我哋钟意嘅嘢就得，真系唔使理人。”

已经荣升师兄的4人被问到《全民造星6》已经开始了招募，有否见过参赛者时，他们均表示“有”。而看得最多的竟然是亨仔：“因为师弟们去casting嘅时候，我都去睇咗几日嘅。”但此话一出即被兄弟们取笑他自认是师兄。亨仔再指：“《造星6》嘅朋友仔水准都高嘅，同埋真系好多小鲜肉啰，真系好多十几岁啊，靓靓仔仔咁样，所以今年应该好睇。（有冇话睇中边个？）我睇中…”亨仔未说完就被兄弟们打断，希晋就指有朋友亦有参加比赛，到时会现身支持朋友。被问会否用师兄身份来指导他们或交换心得时，他们说自己“未够班”：“呢个真系唔够胆，我地唔敢用师兄嘅身份，但我地会俾啲心得佢分享下，认识下做下朋友，如果人哋愿意嘅话，我地都可以一齐倾下。”

Jason早前与女友庆祝拍拖7周年，他即笑指趁有空就回去澳门跟女友吃了个饭庆祝，至于二人有没有结婚的念头时，兄弟们即表示“唔准”。而Jason说其实家人都有希望过：“家人都想，毕竟都年纪大，但系我觉得未系时候，始终自己可能各方面能力都未足够，咁就觉得等自己更好嘅时候，先至再谂呢件事。（屋企人有催婚？）佢又唔系催嘅，间唔中会讲下，讲笑形式咁讲，唔系劲认真讲你几时结婚𠮶啲。”